“Хүн Аалз 3” киноны зураг авалт 7-р сард эхэлнэ...

2020-04-22 15:21:21

4-р сарын 16-ны өдөр Америкийн хэвлэлүүдэд “Хүн Аалз 3” кино 2020 оны 7-р сарын 13-наас 10 сарын 30-ны хооронд Америкийн Атланта, Нью-Йорк, Лос-Анжелес мөн Исландад зураг авалтаа хийнэ гэж нийтэлжээ.

Зарим хэвлэлд өмнө нь коронавирусийн тархалтаас болж “Хүн Аалз 3” киноны зураг авалт тодорхойгүй хугацаагаар хойшлогдсон” гэж нийтэлж байсан.

Гэвч төлөвлөсний дагуу зураг авалтаа эхэлнэ. Киноны нээлтийн өдөрт ч мөн адил ямар нэгэн өөрчлөлт орохгүй бололтой. Кино бүтээж буй компанийн мэдээлснээр, “Хүн Аалз 3” кино 2021 оны 7-р сарын 16-ны өдөр нээлтээ хийх аж.

Ийнхүү Марвелийн супер баатартай “Хүн Аалз 3”, “Eternals”, “Sang-Chi”, “Доктор Стрэнж 2” гээд 4 кино ирэх жил олны хүртээл болох ажээ.

Зургийн эх сурвалж: Sony pictures