8 жилийн дараа, Моана эргэн ирлээ

2024-06-24 09:31:40

“Моана 2” киноны still cut цацагдаж, нас биед хүрсэн дүр төрхтэй болсон Моана анхаарал татаж байна. 

Дисней “Моана 2”-ын still cut-ыг олон нийтэд цацжээ. Диснейгээс мэдээлэхдээ, зурагтай хамт “Ирэх 11-р сард кино театруудад л үзэх “Моана 2”-ын шинэ still cut-ыг сонирхоно уу.” гэсэн байна. 

Онлайнаар сэтгэгдлээ бичигчид “Нас биед хүрсэн байна. Нас биед хүрсэн Диснейн гүнжийг харж байгаа нь анх удаа билүү?”, “Үнэхээр нас биед хүрсэн харагдаж байна.”, “Ард нь байгаа амьд биет нь үнэхээр гайхалтай.”, “Эмээтэйгээ үнэхээр адилхан байна. Уйлах нь ээ.”, “8 жилд багахан л өөрчлөгджээ. Хөөрхөн байна.” гэх зэргээр сэтгэгдлээ үлдээжээ. 

2024 оны 02-р сард Дисней “Моана 2”-ыг 2024 оны 11-р сарын 27-ны өдөр кино театрт нээлтээ хийнэ гэж зарлаж байсан. “Моана” нь уг нь телевизийн цувралаар бүтээгдэх байсан боловч CEO Боб Айгерын шийдвэрийн дагуу кино театрт гарахаар болсон гэж мэдэгдсэн байдаг. 

Entertainment Weekly-д мэдээлснээр цуврал 1-т Мотунуй аралд Тэ Фитигийн зүрх сэтгэлийг эргүүлэн олохын тулд аялалд гардаг ба тухайн үед Моана 16 настай байсан. Харин энэхүү цуврал 2-т 19-20 настай Моанаг харах болно гэж мэдэгдсэн байна. 

“Моана” нь 680 сая гаруй долларын орлогыг олсон ба өнгөрсөн жил Disney+ дээр 1 тэрбум цагийн стриминг хийгдсэн байна. 

“Моана”-ийн уран сайхны кино ч бас хийгдэхээр болсон байна. “Моана” уран сайхны кино 2025 оны 06-р сард нээлтээ хийх ажээ. 

Зургийн эх сурвалж: Disney