NASA-ийн дарга “Том Круз энэ удаа жинхэнэ сансарт кино зураг авахуулна”

2020-05-17 00:33:37

Холливудын жүжигчин Том Круз(нас 58) АНУ-ын Сансар судлалын үндэсний хүрээлэн(NASA: National Aeronautics and Space Administration)-тэй хамтран Олон улсын сансрын станц(ISS) дээр киноны зураг авалт хийхээр төлөвлөж байгаа гэж AFP зэрэг гаднын хэвлэлүүд 5-р сарын 6-ны өдөр мэдээлжээ.

АНУ-ын Сансар судлалын хүрээлэнгийн дарга Жим Бриденстин тус өдөр өөрийн твиттер хуудсандаа “NASA Том Крузтай хамт Сансрын станц дээр кино зураг авах болсонд баяртай байна.” гээд “Дараагийн үеийн инженер, эрдэмтэд NASA-ийн хэтийн төлөвлөгөөг хэрэгжүүлэхэд нь агуу хүсэл тэмүүлэл өгөхийн тулд олон нийтийн хэрэгсэл хэрэгтэй байна” гэж бичсэн байна. 

5-р сарын 4-ний өдөр Америкийн Deadline.com сайтад тус кино Том Крузын гол дүрд нь тоглосон “Биелэгдэшгүй Даалгавар” цувралтай ямар ч холбоогүй гэж мэдээлсэн байна. 

Мөн Элон Маскын байгуулсан сансар судлалын “SpaceX” компани тус кинонд хамтран ажиллаж байгаа бөгөөд  Жим Бриденстин  даргын твиттерт “Сонирхолтой байх хэрэгтэй” гэсэн сэтгэгдэл үлдээсэн байна.