Киану Ривз: Миний МАТРИКС 4 кинонд тоглох болсон шалтгаан бол Вачовски хэмээжээ.

2020-06-15 18:54:35

6-р сарын 8-ны өдөр Английн “Empire” сэтгүүл Киану Ривзийн ярилцлагыг олон нийтэд хүргэжээ. Тэрээр ярилцлагадаа МАТРИКС 4 кинонд дахин тоглох болсон шалтгааны талаар дурдсан байна.

Киану Ривз хэлэхдээ “МАТРИКС 4 кинонд эргэн ирэх болсон шалтгаан нь Лана Вачовскигийн гайхалтай, догь эх зохиолтой холбоотой. Түүнтэй дахин хамтран ажиллах болсон нь үнэхээр гайхалтай хэрэг. МАТРИКС 4 киноны агуулга онцгой хэрнээ утга учиртай тул олон хүний амьдралд эрч хүчийг өгч чадна гэж бодож байна” гэжээ. 

Мөн тэрээр “МАТРИКС 4 киноны эх зохиол нь итгэхийн аргагүй гүн утга, урлагийн төсөөлж болох бүхий л мэдрэмжийг надад мэдрүүлсэн. Тиймээс би үүнийг "БЭЛЭГ" гэж бодсон” гэжээ.

Тус киноны эх зохиолыг Александр Хемон, Дэвид Митчелл нар Лана Вачовски найруулагчтай хамтран бичжээ. Одоогоор тус киноны агуулгын талаарх мэдээлэл дэлгэгдээгүй боловч дүрүүдэд Киану Ривз болон Кэрри-Энн Мосс, Нил Патрик Харрис нар тоглох ажээ.

“Матрикс 4” кино 2022 оны 4-р сарын 1-ний өдөр нээлтээ хийхээр товлогдоод байна. 

Зургийн эх сурвалж: Warner bros