Удахгүй дэлгэцнээ гарах ТОП 4 аймшгийн кино

2020-06-19 11:49:45

Зун болж, бүгчим халуун өдрүүд эхэллээ. Гэвч та санаа зовох хэрэггүй. Учир нь халууныг мартуулах аймшгийн кинонууд энэ намар ээлж дараалан нээлтээ хийнэ. Хүсэн хүлээсэн аймшгийн киноны дараагийн ангиас зүрх түгшээм шинэ бүтээл гээд олон аймшгийн кинонууд кино театруудыг ноёрхох гэж байна.

1. АНИРГҮЙ ОРЧИН II

Өмнөх ангиараа олны сонирхлыг татаж үзэгчдийн хүлээлтийг ихээр үүсгээд буй "Аниргүй Орчин II" кино нээлтээ хийнэ.

9-р сарын 4-ний өдөр олны хүртээл болох “Аниргүй Орчин II” кинонд чимээ гаргахад дайрдаг үл мэдэгдэх мангасаас арай хийн амьд үлдсэн нэгэн гэр бүл цаашид амьдрахын төлөө чимээ аниргүй тэмцэх тухай өгүүлдэг.

Бусад аймшгийн киноноос өөрөөр айдас түгшүүрийг мэдрүүлэх тус кино үзэгчдийн алганы хөлсийг урсгах болно.

2. КЭНДИМЭН

“Get Out”, “Us” зэрэг киногоор Холливудын кино ертөнцийн анхаарлыг татсан Жордан Пил найруулагчийн “Кэндимэн” кино нээлтээ хийнэ.

1992 онд анх олны хүртээл болж байсан ижил нэрт киноны дараагийн анги болох “Кэндимэн” кино нь нэгэн хотод ам дамжин яригдах домгийн тухай өгүүлнэ. Тус домогт КЭНДИМЭН гэж таван удаа хэлэхэд баруун гартаа төмөр дэгээтэй, том биетэй хар арьст хүн гарч ирж түүнийг дуудсан нэгний биеийг тасдан алдаг хэмээдэг ажээ.

Шар үс босгож, хөлс дуслуулсан аймшгийн кино бүтээдгээрээ олны хайр хүндэтгэлийг олсон найруулагч Жордан Пил тус киног хэрхэн шинээр харуулах бол гэсэн хүлээлт үүсгэж байна. Тус кино 9-р сарын 25-ны өдөр нээлтээ хийнэ.

3. ХАРААЛ 3

Анх дэлгэцнээ гарсан цагаасаа л олны хайр хүндэтгэлийг хүртэж байсан “Conjuring” цуврал энэ удаад шинэ дүр төрхөөр эргэн ирнэ.

2020 оны 9-р сарын 11-ний өдөр нээлтээ хийх “Хараал 3” кино нь чөтгөр шулмыг тарнидан зайлуулагч гэр бүлд тохиолдсон бодит явдлаас сэдэвлэн бүтээсэн тааварлашгүй үйл явдлаар айдас мэдрүүлэх кино юм.

Өмнөх ангид тоглосон Патрик Уилсон, Вера Фармига, Руаири О’Коннор нар өөрсдийн дүрийг дахин амилуулан жихүүдэс хүргэм бодит түүхийг өгүүлэх аж.