Бри Ларсон <Ахмад Марвел> кинонд тоглох болсон шалтгаан...
2020-09-11 10:40:18
Холливудын жүжигчин Бри Ларсон Марвелын “Ахмад Марвел” кинонд тоглох саналаас 2 удаа татгалзаж байсан. Бри Ларсон 2020 оны 4-р сард өөрийн албан ёсны youtube channel-ээр нэгэн бичлэгийг нийтэд дэлгэжээ. Тухайн бичлэгт түүний оролцсон сонгон шалгаруулалттай холбоотой яриа байв. Тэрээр “Анх “Ахмад Марвел” киноны Кэрол Дэнверс ахмадын дүрд тоглохоос татгалзсан” гэж хэлжээ. ““Конг: Хохимой арал” киноны зураг авалтаар Австралид байхад холбогдсон. Ахмад Марвелын дүрийг бүтээхгүй биз гэж асуусан. Би тэр дүрийг бүтээхэд нэлээн түгшүүртэй байсан тул менежертээ чадахгүй гэж хэлэхэд менежер “ойлголоо” гэж хэлсэн” гэж тайлбарлажээ.
Мөн “Хэдэн сарын дараа дахин холбогдсон. Менежер надаас “Марвелаас дахин залгалаа. Дүр бүтээхгүй биз?” гэж асуусан. “Дотогшоогоо хүн тул тэр дүрийг бүтээж чадна гэсэн итгэл надад бага байсан. Миний чадвараас давсан дүр байсан тул чадахгүй гэж хэлээрэй” гэж хариулсан” хэмээн нэмж хэлжээ.
Бри Ларсон “Гурав дахь удаагаа залгалаа гэхэд манай баг Марвелд татгалзсан хариу өгөөгүй байсныг тэгэхэд л мэдсэн. Надад нэг дор нэгээс илүү төсөлд ажиллахад хэцүү байдаг. Манай багийнхан намайг “Конг: Хохимой арал”-ийн зураг авалт дуусах хүртэл хүлээх хэрэгтэй гэдгийг мэдэрсэн бололтой” гэж хэлжээ. Улмаар “Цаг хугацаа өнгөрч киноны зураг авалт бүрэн дуусаж, Марвелтай уулзсан. Тэдний зүгээс надад таарах хослолыг хийлгэсэн байв. Марвелын хийх гэсэн зүйлд сэтгэл минь маш их хөдөлсөн. Үнэхээр дэвшил байсан. Феминизмийн талаар өгүүлэх арга барил, түүх яриа нь үнэхээр гайхалтай байв. Эмэгтэй зохиолч, эмэгтэй найруулагч, тэгээд бас олон эмэгтэйчүүдийн дуу хоолой нэгдсэн кино гэдгийг мэдсэн” гэж хэлжээ.
Эцэст нь Бри Ларсон “Ахмад Марвел” киноны дүрийг бүтээхээр шийджээ. Гэхдээ түүнд (Марвелын кинонд тоглох тухай) хэнд ч хэлэхгүй байх гэдэг нь хэцүү байсан байна. Найзууд над руу мессежээр “Чи гайхалтай Кэрол Дэнверс ахмад болж чадна” гэж бичсэн ч, юу хэлээд байгааг чинь мэдэхгүй байна гэж хариулсан” гэж уламжилжээ.
