Роберт Паттинсон коронавируст халдвараас бүрэн эдгэжээ...
2020-09-22 11:35:45
Холливудын жүжигчин Роберт Паттинсон коронавируст халдвар авсны улмаас зогсоод байсан “The Batman” киноны зураг авалт дахин эхэлжээ. 9-р сарын 17-ны өдөр Америкийн “Variety” сайтад Роберт Паттинсон коронавируст халдвараас бүрэн эдгэрч “The Batman” киноны зураг авалт Англид дахин эхэлсэн гэж мэдээлсэн байна. “Warner Bros” компани “The Batman” кино багийн гишүүдээс коронавируст халдвар авсан хүн хэн болохыг нь нийтэд ил болгоогүй байна.
“Batman”-ы шинэ цуврал “The Batman” кинонд Роберт Паттинсон Бэтмэний дүрийг бүтээсэн ба Колин Фаррелл, Зои Кравиц зэрэг жүжигчид тоглосон байна. 2020 оны 1-р сараас Английн Лондон хотод зураг авалтаа хийж байгаад 3-р сард коронавируст халдварын улмаас зураг авалт нь зогсжээ. Улмаар 9-р сарын 1-ний өдөр зураг авалтаа дахин эхэлсэн боловч Роберт Паттинсон коронавируст халдвар авсан тул зураг авалтаа дахин зогсоогоод байсан.
