??Том Круз сансар огторгуйн тухай кинонд тоглохоор сансрын станц руу ниснэ. ?? ?

2020-09-25 01:54:40

9-р сарын 21-ний өдөр Америкийн “Screenrant” сайтад мэдээлснээр Том Круз хараахан нэр нь тодорхой болоогүй сансар огторгуйн тухай кино зураг авахуулахаар 2021 оны 10-р сард Даг Лайман найруулагч, Америк сансрын нисгэгчтэй хамт сансрын хөлгөөр хувийн хэвшлийн сансрын станц руу нисэх ажээ. Сансар огторгуйн тухай өгүүлдэг “Space Shuttle Almanac” нь Том Круз, Даг Лайман найруулагч нар Америк сансрын нисгэгч Майкл Лопес Алегриатай хамт нисэхээр төлөвлөж байгаа бөгөөд Майкл Лопес Алегриа “Axiom” сансрын станцыг жолоодох ажээ. 

Тэдэнтэй хамт 4 хүн сансрын хөлөгт суухаар төлөвлөж байгаа боловч одоогоор үлдсэн нэг хүн нь хэн болох нь тодорхой биш байна. “Screenrant” сайтад “Одоогоор хэн явах нь тодорхой бус байгаа боловч, зураг авалтыг амжилттай явуулахын тулд продюсер, эсвэл зураглаач хамт явж ч магадгүй.” гэж тайлбарлажээ. 

Том Крузын тоглох тус кинонд “Edge of Tomorrow” зэрэг киног найруулсан Даг Лайман найруулагч ажиллах ажээ. Тус кинонд Элон Максын “SpaceX” болон "NASA" нар хамтран ажиллахаар болсон байна. Киноны түүхэнд анх удаа сансарт шууд зураг авалт хийхээр болсноор төлөвлөлтийн үеэс эхлэн маш ихээр ярианы сэдэв болоод байгаа билээ. 

Америкийн “Variety” сайт мэдээлэхдээ эх сурвалжийн үгийг ишлэн тус киноны зардал 200 сая доллар байхаар таамаглаад байна. Том Круз гол дүрд нь тоглож, мөн продюсероор ажиллана.