Галь Гадот “Клеопатра” киноны гол дүрд
2020-10-16 11:54:11
Жүжигчин Галь Гадот “Клеопатра” киноны гол дүрд тоглохоор сонгогджээ. Өнгөрсөн хугацаанд Анжелина Жоли, Леди Гага нар “Клеопатра”-ийн дүрийг бүтээнэ гэсэн цуу тараад байсан боловч эцэст нь жүжигчин Галь Гадот сонгогдсон байна. Найруулагчаар Пэтти Женкинсийг сонгосон бөгөөд тэрээр "Wonder Woman" цувралд Галь Гадоттой хамтран ажиллаж байсан учир хэрхэн сайн гар нийлэн ажилладаг гэдгийг батлан харуулах бололтой. Paramount Pictures нь Apple,
Universal Pictures, Warner Bros, Netflix зэрэг компаниудтай тендерт өрсөлдөж тус төслийг авчээ. Гол дүр Клеопатрагаас бусад дүрүүдийн сонгон шалгаруулалт явагдаагүй учир зураг авалт эхлэх хүртэл нэлээн хугацаа зарцуулагдах бололтой.
Жүжигчин Галь Гадотын гол дүрд нь тоглосон “Wonder Woman 1984”(найруулагч нь Пэтти Женкинс) кино 12-р сарын 25-нд нээлтээ хийнэ.
Зургийн эх сурвалж: Warner bros
