“Доктор Стрэйнж”-ийг “Хүн Аалз 3” киноноос эхэлж үзнэ.
2020-10-16 12:33:16
“Variety” сайтын мэдээлснээр Бенедикт Камбербэтч Сони Пикчерс болон Марвел Студи нар хамтран бүтээж буй “Хүн Аалз” кинонд Доктор Стрэйнжийн дүрээр, Том Холландтай хамтран тоглоно. “Хүн Аалз: Эргэн ирсэн нь(2017)” кинонд Төмөр Хүн буюу Роберт Дауни Жуниор нь түүний ментор байсан. Харин энэ удаад Доктор Стрэйнж нь тус халааг үргэлжлүүлнэ хэмээн кино сонирхогчид таамаглаж байна.
“Хүн Аалз 3” кино 11-р сараас зураг авалтаа эхлэхээр төлөвлөөд байгаа. Өмнөх 2 ангийг найруулсан Жон Уоттс дахин хамтран ажиллахаар болжээ. Тус кинонд Том Холланд, Зендая Коулман, Мариса Томей, Жейкоб Баталон нар мөн тоглох ажээ. Бенедикт Камбербэтчийн гол дүрд нь тоглох “Doctor Strange in the Multiverse of Madness(Доктор Стрэйнж 2)” кино мөн адил 11-р сараас зураг авалтаа эхлүүлнэ. Гэвч “Хүн Аалз 3” кино түрүүлж нээлтээ хийх бөгөөд тус нь кино 2021 оны 12-р сард гарахаар товлогджээ. “Doctor Strange in the Multiverse of Madness” кино 2022 оны 3-р сард нээлтээ хийнэ.
