Дисней R ангиллын кино “Дэдпүл 3” -ийг бүтээх болжээ
2021-01-12 16:29:26
2021 оны 1-р сарын 11-ний өдөр Америкийн “Collider” сайт Марвел Студийн захирал Кевин Файгитай хийсэн ярилцлагыг нийтэд дэлгэсэн ба тэрээр ярилцлагын үеэрээ “Дэдпүл 3” киног R ангиллаар бүтээнэ гэж хэлсэн байна. 2020 оны 3-р сард Дисней компани Фокс энтертайментийг худалдан авснаар Фоксын кинонууд Диснейн кино болсон. Тэдгээрээс R ангиллын баатрын тухай “Дэдпүл” кино ч мөн адил “Marvel Cinematic Universe”-тэй нэгдэж, “Дэдпүл” кино Фоксын үе шиг Дисней компанид R ангиллаар бүтээгдэх болов уу гэж анхаарал татаж байсан.
Кевин Файги үүний талаар “Райан Рейнольдс “Дэдпүл 3” кино зохиол дээр хамтарч ажиллаж байгаа. Тус кино R ангиллаар бүтээгдэнэ” гээд “Зураг авалт энэ жилдээ хийгдэхгүй” гэж хэлжээ. Мөн “Дэдпүл” нь “Marvel Cinematic Universe”-ийн дүрүүдээс тэс өөр юм. Райан Рейнольдсын төрөлхийн тэр нэг хүч нь энэ дүрийг утгаар нь амьдруулж байгааг харах нь үнэхээр сайхан хэрэг” гэж нэмж хэлсэн байна. “Дэдпүл” цуврал харгис хэрцгий дүр зураг, хараалын үг хэллэг ихтэй учир өнгөрсөн хугацаанд R ангилалд багтсаар иржээ.
Зургийн эх сурвалж: Disney
