Том Круз “Mission: Impossible 7” киноны зураг авалтын үеэр галт тэргэн дээрээс унах гэж байсан зураглаачийг аварчээ
2021-05-03 22:15:00
2021 оны 4-р сарын 27-ны өдөр Английн “Daily mail” зэрэг сайтуудад Том Круз “North Yorkshire Moors” үндэсний цэцэрлэгт хүрээлэнд галт тэргэн дээрх зураг авалтын үеэр халитарч унасан зураглаачийг аварсан тухай дурджээ.
Тус өдөр хурдалж яваа галт тэргэн дээр гүйн тулалдаж байгаа Том Крузын зургийг авахаар зураглаач галт тэрэгний хаалтаас зүүгдсэн байжээ. Гэвч зураглаач хий гишгэж доошоо унах шахсан ба үүнийг харсан Том Круз хурдан гүйн очиж, түүнийг барьж авч дээш нь татаж гаргасан байна.
Тухайн үед зураглаач, жүжигчид бүгд аюулгүйн төхөөрөмжтэй зураг авч байсан боловч хурдалж яваа галт тэргэн дээр байсан учир аюултай байжээ. Том Круз салбартаа орлон тоглогчгүйгээр тулааныг өөрөө үзүүлдэг жүжигчин гэдгээрээ алдартай билээ.
“Mission: Impossible 7” киноны зураг авалт үргэлжилж байгаа бөгөөд 2022 онд нээлтээ хийнэ.
Зургийн эх сурвалж: Paramount pictures
