“The Conjuring 3” кино Америкийн анхны чөтгөрийн хэргийг шүүсэн бодит түүх...
2021-05-21 10:32:47
2021 оны 6-р сард нээлтээ хийх “The Conjuring: The Devil Made Me Do It” кино “Арне Жонсоны хүн амины хэрэг”-ийн талаар өгүүлэх ажээ.
1981 онд Коннектикут мужийн Брүүкфилд тосгонд хүн амины хэрэг болсон байна. 19 настай Жонсон уушийн газарт архи уун согтоод байрны эзнээ тонгоргоор хэд хэдэн удаа хутгалж алжээ. Цагдаад баригдсан Жонсон найз охиныхоо дүү 11 настай Дэвидэд шүглэсэн чөтгөр миний биед орсноор яах ч аргагүй чөтгөрт эзэмдүүлсэн гэж хэлсэн байна.
Дэвидийн эгч нь хэдэн сарын өмнөөс дүүгийнх нь зүүдэнд том хар нүд, хурц соёо, чих, эвэр, туурайтай амьтан шиг эрэгтэй хүн үзэгдэж болгоомжтой бай гэж сануулсан гэдгийг сонссоноо мэдүүлжээ. Мөн ямар ч шалтгаангүйгээр гэмтсэн байдалтай өглөө сэрдэг, бас үл харагдах хүч хоолойг нь багалзуурддаг, ойр орчмын хүмүүсээ зоддог, хараадаг гэх зэрэг ааш авирыг үзүүлсэн гэжээ. Улмаар Уоррений гэр бүл Дэвидийн биед чөтгөр шүглэсэн гэдэг дүгнэлтэд хүрсэн байна. Католик сүмийн зүгээс албан ёсоор үгүйсгэсэн боловч Уоррений гэр бүл гурван удаа чөтгөрийг хөөх зан үйл хийсэн гэдгээ хэлсэн байна.
Уоррений гэр бүл Дэвидээс чөтгөрийг хөөх зан үйл хийхэд хажууд нь байсан Жонсон “Дэвидийг зовоолгүй, миний биед ор” гэж хэлэн чөтгөрийг эсэргүүцэж байсан гэж мэдүүлсэн байна. Жонсон согтуудаа гэмт хэрэг үйлдсэнээ чөтгөрөөс болсон гэж байгаа юм биш биз хэмээж болох хэдий ч, Жонсон сүмийн найрал дууны гишүүн хийгээд чин үнэнч сүсэгтэн залуу байжээ. Мөн түүнийг тосгоноороо ачлалт хүү гэдгээр нь мэддэг аж. Жонсоны өмгөөлөгч нь шүүх хурлын үеэр “Шүүх сүнслэг оршихуйг шүүж байна. Жонсон тэрхүү чөтгөрт эзэмдүүлсэн хохирогч. Америкт анхны чөтгөрийн үйлдсэн гэмт хэрэг” гээд гэм буруугүй гэж шийджээ. Энэ нь Америкийн түүхэн дэх анхны чөтгөрийг шүүсэн хэрэг болж тэмдэглэгдэн үлдсэн байна.
“The Conjuring: The Devil Made Me Do It” кино нь “The Conjuring Universe”-ийн ертөнцийг үзэх үзлийг шинэ хэв маягаар шинээр тогтооход зориулагдсан бүтээл аж. Жэймс Ван төлөвлөлт, продюсер, эх түүхийг хариуцан ажиллажээ. Энэхүү бүтээл нь чөтгөр шүглэсэн байшин, хүүхэлдэйгээр аймшгийн киног харуулж байснаас тэс өөр бөгөөд тэмдэглэгдэж үлдсэн хүн амины хэргийн бодит түүхээр бүтээгдэж байгаагаараа илүү аймшигтай үйл явдлыг харуулах ажээ.
Зургийн эх сурвалж: Warner bros
