Шан-Чи ашигтай байсанд... Дисней компани энэ жил гаргахаар төлөвлөж байгаа бүтээлүүдээ бүгдийг нь зөвхөн кино театрт нээхээр болжээ

2021-09-15 12:54:07

Уолт Дисней компани энэ жил гаргахаар төлөвлөж байгаа бүтээлүүдээ бүгдийг нь зөвхөн кино театрт нээхээр болжээ. 2021 оны 9-р сарын 10-ны өдөр AP-д мэдээлснээр Дисней компани тус өдөр “Энэ жилийн Диснейн бүх киног стриймингээр цацахаас өмнө кино театруудад багадаа 45 хоног гаргана” гэж мэдэгджээ. 

“Алдаатай Робот Рон” анимэйшн энэ оны 10-р сарын 22-ны өдөр, Ридли Скотт найруулагчийн “Сүүлчийн Ирүүл Тулаан” кино нь 10-р сарын 29-ны өдөр, Марвелын “Eternals” кино 11-р сарын 5-ны өдөр, Стивен Спилберг найруулагчийн “West Side Story” кино 12-р сарын 10-ны өдөр, Кингсмен киноны үргэлжлэл “Кингсмен: Хааны Албат” кино 12-р сарын 31-ны өдөр тус тус нээлтээ хийх ажээ. 2021 оны 12-р сард нээлтээ хийх “Энканто” анимэйшнийг мөн л 30 хоног зөвхөн кино театрт гаргасны дараа Дисней пласт орох аж. Цар тахлын үед Дисней компани кино театр, онлайн кино үйлчилгээ(OTT)-ээр зэрэг нээлтээ хийх стратеги барьж байсан. Энэ үед “Black Widow” киноны Скарлетт Йоханссон гэрээгээ зөрчиж, кинонд тоглосон хөлсөнд хохирол учрууллаа гэж Дисней компанийг шүүхэд өгчээ.  

Гэвч сүүлийн үед Марвелын анхны Ази супер баатартай “Шан-Чи болон Арван Бөгжний Домог” кино зөвхөн кино театрт гарч, Америкийн Хөдөлмөрчдийн баярын амралтын өдрүүд байсан ч орлогын хувьд түүхэн дэх амжилтыг эвдэж өөрчлөлт авчирсан. “Sony pictures” компани “Шан-Чи болон Арван Бөгжний Домог” кино амжилттай байсан учир “Веном 2” киноны нээлтийн өдрийг наашлуулахаар болжээ. “Disney Media and Entertainment Distribution division”-ий захирал Карим Даниэль “Кино театрын үзвэрийн талаарх итгэл төрсөн бөгөөд цаашид кино театрт үзэгчдийг улам илүү хөгжөөн цэнгэх болтугай” гэж нэмж хэлсэн байна.     

Зургийн эх сурвалж: Disney