Туршлагатай жүжигчдийг сонгосон “Dune” киноны дүрүүдийн постер цацагдлаа
2021-09-22 18:00:52
2021 оны 10-р сард нээлтээ хийх “Dune” кино нь амьдралыг тэтгэгч, спайс(меланж)-ын төлөө Арракисын элсэн гараг “Dune” дээр хорон муугийн эрх мэдэл болон дайн тулаантай нүүр тулж, бүх сансар огторгуйн хаан суудалд залрах хувь тавилантай төрсөн домогт аврагч Полын агуу аяныг дүрсэлсэн бүтээл юм. Эх зохиол нь дэлхий даяар 20 сая борлуулагдсан шинжлэх ухаан уран зөгнөлт, түүхэн дэх хамгийн их борлуулалттай “Star Wars”, “Alien”, “The Matrix”, “Game of Thrones”, “Nausicaa Of The Valley Of Wind”, “Star Craft” зэрэг кинонуудыг амилуулсан, орчин үеийн нийтийн соёлын түүхэнд үнэмлэхүй нөлөөлсөн, мартагдашгүй нэгэн сонгодог бүтээл юм.
Холливудыг төлөөлөх суут найруулагч Дени Вильнёв найруулж, Тимоти Шаламе, Ребекка Фергюсон, Оскар Айзек, Жейсон Момоа, Стеллан Скарсгард, Жош Бролин, Хавьер Бардем, Зендея, Чан Чэнь зэрэг шилдэг жүжигчдийг сонгон тоглуулжээ. Саяхан цацагдсан дүрүүдийн постер, домогт дүрүүдтэй бичлэгт Атрейдисын удмынхан, Харконнен удмынхан, Фремен овгийнхныг кинонд сүрлэг байдлаар харуулсан ба дүрүүд хооронд ямар харилцаа, үүрэгтэй болох нь сонирхлыг татаж байна.
Атрейдис нь дэлхийтэй төстэй үл мэдэгдэх Каладан гаргаас явж эзэн хааны нэрээр спайс(меланж)-ыг дангаараа үйлдвэрлэдэг Арракис гарагийг удирдах болдог. Тимоти Шаламегийн бүтээсэн Пол нь охин болж төрөх ёстой байсан боловч удам залгах хүүтэй болохыг хүссэн аавд нь хүү төрүүлж өгсөн байна. Хувь тавилангаа дагаж ер бусын оршихуй болох Quisat Hatherlocks болж сэрдэг. Оскар Айзекийн бүтээсэн дүр Лето гүн нь Полын аав бөгөөд төгс хүн чанартай Атрейдис удмын тэргүүлэгч юм. Ребекка Фергюсоны бүтээсэн дүр “Леди Жессика” нь Лето гүнгийн татвар эм, Полын ээж бөгөөд ер бусын чадвартай эмэгтэйчүүдийн Бене Гессерит бүлгийн гишүүн. Тэрээр жирэмслэхдээ хүүхдийнхээ хүйсээ сонгож чаддаг.
Жейсон Момоагийн бүтээсэн дүр “Дункан Айдахо” нь Лето гүний баруун гар, хамгаалалтын албаны дарга, хамгаалагч бөгөөд Полтой ах дүүс шиг ойрхон харилцаатай. Жош Бролингийн бүтээсэн дүр “Гурни” нь Атрейдис удмын цэргийн ерөнхий командлагч бөгөөд Полын дайны сургуулилалтыг хариуцдаг. Яруу найрагч, хөгжмийн зохиолч бөгөөд Полтой сэтгэл санаагаар бодлоо хуваалцдаг.
Чан Чэний бүтээсэн дүр доктор Юйэ нь гүнгийн эмч, гэвч Харконнений сүрдүүлэгт өртсөн байдаг. Харконнен нь тайжийн удмынх бөгөөд Атрейдисийн өрсөлдөгч. 80 жил Арракис дээр спайс(меланж)-ыг дангаараа үйлдвэрлэж байсан. Стеллан Скарсгардын бүтээсэн дүр “Харконнен тайж” нь чөтгөр болдог Харконнен удмын тэргүүлэгч. Аварга том биетэй тэрээр хүнийхээс илүү чадвартай, сүрдмээр нэгэн.
Фремен овог нь Арракис гаргийн уугуул бөгөөд цөлийн спайс(меланж)-т удаан байснаар нүд нь цэнхэр болжээ. Жинхэнэ эрх чөлөөг өгөх зөнчийг хүлээдэг. Зендеягийн бүтээсэн дүр “Чани” нь эзэнт гүрний ургамал судлаач, эзэн хааны шүүгч Кайнсын охин бөгөөд хожим Полын хувь тавиланг удирддаг. Хавьер Бардемийн бүтээсэн дүр “Стилгар” нь Чанигийн авга, Фремен овгийн ахлагч бөгөөд Полын хамтрагч, цэргийн анд.
“Dune”-ий хөгжмийг Ханс Циммер найруулжээ. Иордан, Унгарын Будапешт зэрэг газруудад зураг авч, аварга том тээвэрлэгч онгоц, ургац хураах төхөөрөмж зэрэг сансрын хөлөг, элсний хорхой зэргийг бодитоор хийжээ. IMAX дэлгэцэд тааруулан босоо, хэвтээ 1.43:1 харьцаагаар зураг авалт хийсэн уг кино 2 цаг гаруй үргэлжлэх ажээ.
