Марвелын шинэ гүүр... “Eternals”
2021-10-20 10:36:31
“Eternals” кино нь “Авенжерс” цувралын онцгой холбоос болж, цаашид Марвел фаз 4-ийн харуулах алсын харааг шингээн, Марвелын шинэ гүүр болох бүтээл гэдгээр анхаарал татаж байна.
“Eternals” кино нь “Авенжерс: Цаглашгүй дайн”, “Авенжерс: Эцсийн тулаан” кинонуудтай нягт холбоотой. Ялангуяа дэлхийн хүн амын тэн хагасыг алга болгосон Таносын FINGER SNAP -аас хойш Авенжерсийн гишүүд үүнийг зогсоох явцад энергийн асар том дэлбэрэлт бас нэгэн аюулыг авчирсан тухай өгүүлдэг. Олон нийтэд цацагдсан трэйлерт “Ахмад Америк, Төмөр хүн нар байхгүй болсон юм чинь одоо хэн Авенжерсийг удирдах вэ?” гэсэн асуултад “Би удирдаж болох л юм.” гэсэн хэсэг гарч Авенжерс байхгүй ч, Этерналууд тэрхүү буухиаг үргэлжлүүлэн Марвел фаз 4-ийг удирдах шинэ баатруудтай батальон байгаа гэдгийг харуулах аж.
Түүгээр зогсохгүй Авенжерсаас өмнө байсан Этерналуудын тухай “Таностай тулалдахад яагаад туслаагүй юм бэ? Яагаад бүх дайн дажин, түүхийн аймшигт үеүдэд ч яагаад нүүрээ буруулав?” гэсэн үзэгчдийн сонирхлыг татах жинхэнэ түүхийг ч бас агуулсан байна. "Авенжерс” цувралаас өмнө хүн төрөлхтний түүхийн нэгэн агшинг харуулах нь их хүлээлт үүсгээд байна. Дэлхий дээр анх хөл тавьсан үеэс хүн төрөлхтний хөгжил, дэвшлийн төлөө нууцаар тэдэнд тусалж байсан Этерналуудын дүр төрх, эрт дээр үеэс оршин байсан хүн төрөлхтнийг хамгийн ихээр сүрдүүлэн айлгагч Дэвиантуудтай халз тулалдаж байгаа нь олны хүртээл болж, цаашид хэрхэх нь кино сонирхогчдийн анхаарлыг татаад байна.
“Nomadland” киногоор 93 дахь удаагийн Академийн кино наадамд шилдэг кино, шилдэг найруулагч шагналыг авч, дэлхий дахинаа алдаршсан Хлое Чжаогийн шинэ хараа “Eternals” кинонд шингэх ажээ. Ялангуяа цаашид Марвелын баримтлах алсын хараа, мессежийг тус бүтээлд тодорхой харуулах аж. Марвел фаз 4-ийг шинээр нээж буй баатруудын батальон Этерналуудын агуу түүх хэрхэн, яаж өрнөх вэ гэдэг нь үнэхээр сонирхол төрүүлж байна. Тус киногоор олон зүйлийг харуулах аж. Этерналын 10 гишүүний харилцаанд суурилсан нөхөрлөл, хайр, хагарал, эвлэрэл гэх зэрэг бүх хүний хүлээн зөвшөөрөх гол асуудлыг харуулж, нас, хүйс үл хамаарсан олон дүрүүдтэй гэдэг нь үнэхээр сонирхол татаж байна.
Марвел студийн “Eternals” кино нь олон жил өөрсдийгөө харуулаагүй амьдарч ирсэн усташгүй баатрууд “Авенжерс: Эцсийн тулаан”-ы дараа хүн төрөлхтний олон жилийн дайсан Дэвиантуудтай халз тулалдахын тулд дахин хүчээ нэгтгэж буй тухай өгүүлэх ажээ. Жүжигчин Анжелина Жоли, HBO-ийн алдартай олон ангит кино “Хаадын тоглоом” цувралын Ричард Мэдден, Кумэйл Нанжиани, Жемма Чан зэрэг Холливудын өмнөө барьдаг жүжигчид хамтдаа тоглосон нь шуугиан тариад байна. Тус кинонд “Train to Busan”, “The Outlaws”, “Along with the Gods” цуврал зэрэг кинонд өвөрмөц дүрээр олны хайр хүндэтгэлийг хүртсэн Солонгос жүжигчин Дон Ли Гильгамешийн дүрийг бүтээж байгаа нь илүү их хүлээлтийг үүсгээд байна. 2021 оны 11-р сарын 05-ны өдөр нээлтээ хийнэ.
