Том Круз “Топ Ган: Маверик” кино нээлтийн ёслолд нисдэг тэрэг жолоодон ирлээ.

2022-05-12 03:06:51

Ашиглагдахаа больсон нисэх онгоц тээвэрлэгч дээр том хэмжээний эвент, тэгээд бүр өөрөө нисдэг тэрэг жолоодон ирж буй түүхэнд байгаагүй үзүүлбэрийг үзүүлжээ. “Топ Ган: Маверик” нь саяхан Америкт урьд хожид байгаагүй дэлхийн хэмжээний нээлтийн ёслолыг зохион байгуулсан байна.

Тус нээлтийн ёслол нь ашиглагдахаа больсон нисэх онгоц тээвэрлэгч болох USS Midway музейд болсон ба “Топ Ган: Маверик” киноны гол дүр Том Круз N547SA зорчигч тээврийн онгоц жолоодон ирсэн байна. Кинон дээр ч бас байлдааны онгоц жолоодож байсан туршлагатай тэрээр аюулгүй байдлыг бодолцон “нисдэг тэрэг жолоодож” ирснээр орлон тоглогчгүйгээр өөрөө “жинхэнээсээ жүжиглэдэг” гэдгийг дэлхий дахинаа яруу тодоор харуулсан мөч байлаа.

СинемаКоноос тус киног урьдчилан үзсэн гадаадын зарим нөлөө бүхий хэвлэлийнхэн сайхан үгсээр магтаж байгаа нь илүү их хүлээлтийг үүсгээд байна. "The Hollywood Reporter: Бидний хүсэж байсан бүхнийг шингээжээ” гэж үнэлсэн бол "Fandango: Сүүлийн 10 жил дэх хамгийн шилдэг кино” гэж дүгнэжээ.

“Топ Ган: Маверик” нь сургагч офицероор эргэн ирсэн домогт нисгэгч Маверик (Том Круз)-тэй хамт амьдрал, үхлийн зааг дээрх даалгаврыг хүлээн авсан гишүүдийн талаар өгүүлсэн тулаант блокбастер кино юм. 2022 оны 05-р сарын 27-ны өдөр нээлтээ хийнэ.

Зургийн эх сурвалж: Paramount pictures