Доктор Стрэйнж кино театруудын дэлгэцээс бууж Тор ирлээ. Марвелын чимэг болсон аянгын бурхан Торын 4 дэх бүрэн хэмжээний кино “Thor: Love and Thunder”(найруулагч Тайка Вайтити)” яг одоо кино театруудад гарч байна. Анх 2011 онд олны хүртээл болсон “Thor”-оор эхэлж, 2013 онд “Thor: The Dark World”, 2017 онд “Thor: Ragnarok” хүртэл амжилтын хүрээгээ тэлсээр иржээ. Тиймээс 2022 оны 5 сард олны хүртээл болсон “Doctor Strange in the Multiverse of Madness” киноны амжилтыг давж, ковидын дараах үеийн кино театруудыг дахин сэргэхэд хувь нэмэр оруулах эсэх нь сонирхол татаж байна.
◇ “Эцсийн тулаан” -аас хойшхи Торын зорилго нь?
Төмөр хүн нас барснаар MCU-ийн 3-р фаз дуусдаг. Сангвиник зан төлөвтэй Тор нь хүн төрөлхтнийг аварсны дараа өөрийгөө дасгалжуулан даяанчилж цаашид хэрхэх талаар өгүүлдэг. Тус киног найруулсан Тайка Вайтити найруулагч нэгэн ярилцлагадаа “Амьдралын зорилго болон чиг хандлагаа гээсэн дунд насны хямралтай тулгарсан Торын амьдралыг харуулна.” гэж хэлсэн байна. “Thor: Love and Thunder” кино нь ийм хүнд агуулгатай боловч эхнээсээ дуусах хүртлээ инээдэм, хошигнолоор дүүрэн ажээ. “The Evil Dead” цувралаар алдаршсан Сэм Рэйми найруулагчийн найруулсан “Doctor Strange in the Multiverse of Madness” нь аймшгийн хэв маягтай байсан бол “Thor: Love and Thunder” нь инээдмийн өнгө аясыг агуулсан тулаант кино аж.
◇Шинээр анхаарах ёстой дүр нь?
Мёлнирийн шинэхэн эзэн Сүр жавхлант Тор буюу Жэйн нь хэрхэн баатруудын эгнээнд нэгдсэнийг харуулах аж. Тэдний устгах ёстой шинэ хорон санаатан нь шүтэн бишрэгчдийнхээ сэтгэлийг догдлуулах болно. Кинон дахь бурхдын эрлэг Горрын дүрийг “The Dark Knight” цувралын Бэтмэний дүрээр олонд танигдсан Кристиан Бэйл бүтээжээ. Жингээ хасаж, үсээ хусах зоригтой алхам хийсэн Горр нь Марвелын хорон санаатнуудаас хамгийн аймшигтай дүр төрхтэй гэж үнэлэгдээд байгаа. Крис Хемсворт “Кино зураг авалтын газар байсан бүх хүн Горрын дүр төрхөөс айж байсан” гээд “Горр нь энгийн нэг хорон санаатан биш. Бодит мэт хэр нь сонирхолтой дүр.” гэж тайлбарлажээ.
“Thor: Love and Thunder” кино яг одоо бүх кино театруудад гарч байна.
Зургийн эх сурвалж: Disney