“DC Super Pets” кино нь “Nope”, “Минионууд: Грюгийн Сэргэн Мандалт” зэрэг кинонуудыг ардаа орхин Умард Америкийн бокс оффист 1-рт бичигдлээ

2022-08-03 18:18:55

Супер тэжээвэр амьтдын хөгжилтэй адал явдлын тухай өгүүлэх “DC League of Super Pets” кино Умард Америкт нээлтээ хийсэн эхний долоо хоногтоо бокс оффисын 1-рт бичигдэж, нээлтийн эхний долоо хоногтоо 23 сая долларт хүрчээ.

Энэ нь Жордан Пил найруулагчийн шинэ бүтээл “Nope”, алдартай франчайз цуврал “Thor: Love and Thunder”, “Минионууд: Грюгийн Сэргэн Мандалт”, удаан хугацаанд орлогоороо тэргүүлж байгаа “Топ Ган: Маверик” зэрэг кинонуудыг ардаа орхиж, энэ цаг үеийн ширүүн өрсөлдөөнөөс гарч ирж байгаа нь үнэхээр гайхалтай. DCEU-ийн шинэ анимэйшн “DC League of Super Pets” нь хорон санаат Лекс Лутор, усан гахай Лулу хоёрын арга мэхийн улмаас аюулд унасан Супермэн болон Жастис Лигийн баатруудыг аврахын тулд супер нохой Крипто өөрийн найзуудын хамт адал явдалтай учрах ажээ.