Жордан Пилийн “NOPE” киног үзэх гурван шалтгаан
2022-08-12 18:57:55
“Get Out”, “US” киногоор олонд танигдсан Жордан Пил найруулагчийн шинэ бүтээл “NOPE” кино 2022 оны 8-р сарын 19-ний өдөр нээлтээ хийнэ. “Universal Pictures” компаниас тус киног үзэх шалтгааныг олон нийтэд дэлгэжээ. “NOPE” киног үзэх эхний шалтгаан бол Жордан Пилийн ертөнц юм. Тус кинонд эхлээд хэн ч харж үл чадах “тэр зүйл”-ийн улмаас эмх замбараагүй байдал үүсэж буй тосгоны дүр төрхийг харуулна.
Улмаар гол дүрүүд нь айдастай хэр нь юу болохыг нь мэдэхийг хүсэн, байгаа газраасаа өөр өөрсдийн аргаар тухайн зүйлийг мөшгөн дагана. Пил найруулагч тус бүтээлийнхээ гол дүрүүдийн дүр төрхийг “үзэмжид донтогч” гэж тодорхойлсон ба бид ямар хүн болох, ямар хүн гэж хүлээн зөвшөөрөгдөхийг хүсдэг талаарх дотоод хүслийг дамжуулахыг зорьжээ.
"NOPE" -ийг үзэх хоёр дахь шалтгаан бол Жордан Пилийн бүтээлийн жүжигчдийн сонгон шалгаруулалт юм. Даниел Калуя нь “Get Out” киноны дараа Пил найруулагчтай “NOPE” киногоор дахин хамтарч байна. Тэрээр Жордан Пил найруулагчийн эрэлхийлж байгаа санааг хэн хүнээс илүү сайн ойлгож байгаа, тиймд адилхан сэтгэл зүйгээр бүтээлийг хамтдаа дуусгаж чадсан гэж хэлжээ. Тэр Өү Жэй Хейвудийн дүрийг хэрхэн бүтээх нь маш их хүлээлт үүсгэж байна. Мөн дуучин Кеке Палмер тус кинонд Эмералд Хейвудийн дүрийг бүтээжээ.
Найруулагч Пил түүнийг тус дүрд яг тохирсон гэж тодорхойлсон бөгөөд Эмералд Хейвудийн дүрийг хэрхэн бүтээв гэдэг нь хүлээлт үүсгэж байна. Түүнчлэн “Minari”, “Burning”-ийн Стивен Ён тус кинонд Рики Жуп Паркийн дүрийг бүтээжээ. Тэрээр тус бүтээлд Пил найруулагчийн хэлэхийг хүсэж буй санаа, бусад хүмүүс намайг яаж харж, бид өөрсдийгөө яаж хардаг болохыг гайхалтай зохиомол дүрээр харуулах ажээ. Сүүлийн шалтгаан бол илүү тод нарийвчлал юм.
“US” киноны продюсер Иэн Купер “NOPE” киноны багт орж, “Get Out”, “US”-аас өөр Пилийн ертөнцийг үзүүлнэ хэмээжээ. Мөн “Interstellar”, “Dunkirk”, “Tenet” зэрэг киноны багт ажилласан Хойте Ван Хойтема зураглаач тус киноны багт багтжээ.
"NOPE" 8-р сарын 19-өөс кино театруудын дэлгэцнээ гарах болно.
Зургийн эх сурвалж: Universal pictures
