“DreamWorks” студийн “Гуталт Муур 2”, 2022 оны 12-р сарын 29-ний өдөр нээлтээ хийнэ

2022-12-22 12:08:46

“Гуталт Муур 2” кинонд есөн аминаас ганцхан амь нь үлдсэн баатар Гуталт муур алдсан амиа эргүүлэн авахын тулд хүслийн одын эрэлд гарч буй тухай өгүүлэх блокбастер анимэйшн юм. 

Олон нийтийн хүртээл болсон гол трэйлерт сүү ууж буй Гуталт муур (Антонио Бандерас) “Би Гуталт муур байна!” гэж хашхиран эхэлдэг. Улмаар хөнгөн хэмнэлтэй латин ая явж Гуталт муур өөрөөсөө хэд дахин том аварга биетийг төвөггүйхэн бут цохих гайхалтай тулааныг харуулж, хүмүүс түүнд баяр хүргэн уухайлж байтал гэнэт дээрээс нь том хонх унаж үхдэг. Есөн аминаас ганцхан амь нь үлдсэнийг мэдсэн Гуталт муур эмчээс Мама Лунагийн хаягийг авч баатрын амьдралаа дуусгадаг. 

Гуталт муур нь шагналын мөнгөний ангуучдаас зугтан хүсэл биелүүлэгч хүслийн одын эрэлд орон гэргүй, гэр бүлгүй боловч хэн хүнээс илүү халуун дулаан сэтгэлтэй Перро нохой, Гуталт муурын мөнхийн хамтрагч, бүгдийг хулгайлж чаддаг Хөвсгөр саварт Китти муур (Сальма Хайек)-тай хамт гарч, хүлээлтийг үүсгээд байна. 

Онцгойлон трэйлерийн сүүлийн хэсэгт гардаг өхөөрдөм тулаан нь Гуталт муурын гарын үсэг гэж хэлж болох хайр татам харц, аймшигтайгаар довтлох Китти гээд илүү өхөөрдөм байдлыг харуулах ажээ. “Гуталт муур 2” нь өмнөх ангиас илүү олон дүр, гайхалтай дүрслэлийг харуулахын зэрэгцээ Антонио Бандерас, Сальма Хайек зэрэг өмнөх ангийн жүжигчдээс гадна Холливудын төлөөлөх жүжигчид Флоренс Пью, ахмад жүжигчин Оливия Колман зэрэг жүжигчид тоглож, хүлээлтийг үүсгээд байна.

“Крүүдийнхэн: Шинэ Эрин Үе” киногоор Умард Америкт 80 өдрийн турш бокс оффисын 1-т бичигдэж байсан “DreamWorks” студийн дараах үеийн төлөөлөх найруулагч Жоэл Кроуфорд найруулагчаар ажиллаж, “Босс Жаал”, “Лууг хэрхэн сургах вэ” зэрэг “DreamWorks” студийн анимэйшны баг нэгдэн төгс баг гэдгээрээ бахархаж байна. 

“Гуталт Муур 2” анимэйшн 2022 оны 12-р сарын 29-ний өдөр нээлтээ хийнэ.