“Аватар цувралын 3-р ангид гал болон галт уулын үндэстэн гарна. Мөн...”

2023-01-04 15:36:27

Жэймс Камерон найруулагч “Аватар 3” киноны талаар мэдээлэл өгчээ. 2023 оны 01 сарын 01-ний өдөр Америкийн “comingsoon.net” мэдээллийн сайтад мэдээлснээр Жэймс Камерон найруулагч Францын “20 Minutes” сонинд өгсөн ярилцлагын үеэрээ Аватар цувралын 3-р ангийн талаар товчхон дурдсан байна. Тэрээр “Өнөө хүртэл танилцуулсан Навичуудын соёлыг болон өөр бусад соёлыг харуулах болно.” гээд “Тус ангид гал болон галт уулын Галын үндэстэний талаар өгүүлэх болно” гэж хэлжээ.

Улмаар “Өнөө хүртэл Навичуудын эерэг талыг нь л харуулсан. Аватарын өмнөх ангид хүн төрөлхтнийг маш сөрөг талаар, харин Навичуудыг эерэг талаар харуулсан. Харин 3-р ангид эсрэгээр байх болно” гээд “Мөн гол дүрүүдийн амьдрал үргэлжилж, шинэ сансар огторгуйгаар аялах болно. Төгсгөлийн хэсэг үнэхээр гайхалтай байх болно” хэмээсэн байна. Өмнө нь Жэймс Камерон найруулагч 3-р ангийн зураг авалт дуусаад эвлүүлгийн ажил дээр яваа.

2 жилийн зайтайгаар дараа дараагийн ангийг нь гаргана гэж хэлж байсан. Тиймд Аватар цувралын 3-р анги нь 2024 оны 12-р сард нээлтээ хийх бололтой. “Аватар: Усны Ертөнц” кино нь нээлтээ хийгээд 2 долоо хоногт дэлхийн зах зээлээс 1 тэрбум долларын орлого олжээ.

Зургийн эх сурвалж: 20th century fox