“Хүн-Шоргоолж ба Хэдгэнэ: Квантуманиа” → “Галактикийн Хамгаалагчид 3”

2023-02-20 06:40:56

Энэ жил Марвелын 5-р үеийн эхлэлийг тавьж байгаа “Хүн-Шоргоолж ба Хэдгэнэ: Квантуманиа” (цаашид “Хүн-Шоргоолж 3” гэх)-ны араас нь “Галактикийн хамгаалагчид 3” нээлтээ хийх гэж байна.

2023 оны 02-р сарын 17-ны өдөр нээлтээ хийсэн “Хүн-Шоргоолж 3” кино нь квантын орон руу сорогдон орсон Хүн-Шоргоолж ба түүний гэр бүлийн тухай өгүүлэх ажээ. Үл мэдэгдэх газрын орон зай болох квантын орны талаарх дүрслэл, толгой эргүүлэм ертөнцийг үзэх үзэл, адармаатай түүхийн зохицол, гол дүрүүдийн хамтрал, Марвелын өвөрмөц наргианы кодыг сайн гаргасан эсэх нь анхаарал татаж байна.

Ялангуяа Эзлэн түрэмгийлэгч Кангийн дүрийг Марвелын түүхэн дэх хамгийн хүчирхэг хорон санаатан хэмээн танилцуулсан нь Мөхөшгүй Таносоос ч илүүтэйгээр анхаарал татаж байна. Эзлэн түрэмгийлэгч Канг нь “Хүн-Шоргоолж 3”-аар эхэлж, “Avengers: The Kang Dynasty”-аар Марвелын цувралд гол үүргийг гүйцэтгэх ажээ. 

2023 оны 5-р сарын 5-нд “Галактикийн хамгаалагчид 3” нээлтээ хийнэ.

2023 оны 5-р сарын 5-ны өдөр нээлтээ хийнэ гэсэн сурагтай зэрэгцэн олон нийтэд цацагдсан трэйлерт “Авенжерс: Цаглашгүй дайн”-д золиос болсон “Гамора” (Зои Салдана)-тай дахин уулзсан Стар-Лорд (Крис Прэтт) гардаг.

Өмнө нь Рокет (Брэдли Купер) дээр хийж байсан туршилтын удирдагч Галзуу эрдэмтэн “High Evolutionary” (Чукуди Ивужи), “Галактикийн хамгаалагчид 2”-ын танилцуулах бичлэгт анх гарч байсан Адам Варлок (Вилл Поултер) зэрэг шинэ дүрүүд гарах нь өндөр хүлээлт үүсгэж байна.

Тус киноны 3-р ангид Гамораг алдан уйтгар гунигт автаад байсан Питер Квилл нь аюулд унасан хамтрагчдаа хамгаалахын тулд дахин багаа цуглуулж, амжилттай биелүүлж чадахгүй бол тэдний хувьд сүүлийнх байж болох даалгаврыг авдаг тухай өгүүлэх ажээ. “Галактикийн хамгаалагчид” цувралын амжилтын гол түлхүүр Жэймс Ганн энэ удаагийн бүтээлийг дахин найруулсан байна. Мөн “The Marvels”, “Captain America: New world order”, “Thunderbolts”, “Blade” зэрэг 5-р үеийн кинонууд гарах ажээ.

Зургийн эх сурвалж: Disney