Супер баатар Шазамын гайхалтай өсөлтийн үе.... “Шазам! Бурхдын Хилэн” кино
2023-03-29 11:07:09
4 жилийн дараа кино театруудын дэлгэцнээ эргэн ирсэн “Шазам” киноны 2 дахь бүтээлд супер баатар Шазам (Закари Ливай)-ийн өсөлтийн үеийг дүрсэлжээ. Өмнөх ангид бяцхан хүү Билли Бэтсон (Ашер Энжел) супер баатар Шазам болж байгааг харуулсан бол энэ удаад гол дүр нас биед хүрч, мөн баатар болон өсөж торниж буй үйл явцыг харуулжээ. 15 настайдаа супер баатрын ер бусын хүч чадалтай болсон Билли нь үрчлүүлсэн гэр бүлээсээ явах ёстой 18 нас нь ойртох тусам таагүй байдлыг мэдэрдэг.
Төрсөн эцэг эхдээ хаягдаж олон айлаар үрчлүүлэх гэж явж байсан тэрээр зовлон бэрхшээлийн эцэст уулзсан "жинхэнэ гэр бүл"-ээсээ салах ёстой гэдгээс айж байлаа. Баатрын хувьд ч амьдрал адилхан байв. Өөрийнхөө ер бусын хүч чадлыг хуваан 5 ах эгч дүүсээс бүрдсэн багийг сайн удирдан явахыг хүсэж байгаа боловч, санаснаар нь болдоггүй. Фрэдди (Жек Дилан Грейзер) нь ганцаараа үйлдэхийг илүүд үзэж, насанд хүрсэн Мэри (Грэйс Фултон) нь хичээл ном болон цагийн ажилдаа хамаг цагаа зарцуулна.
Тийнхүү Шазам дээр алдсан хүч чадлаа эргүүлэн олж авахын тулд хүн төрөлхтний ертөнцөд ирсэн охин тэнгэрүүд гарч ирдэг. Тэнхлэгийг удирдах хүчийг хуваан авсан гурван эгч дүүс булаалгасан хүч чадлыг нь шингээсэн шидтэний таягийг олж авчээ. Хоёр дахь Калипсо (Люси Лью) нь эргэн олж авсан хүч чадлаараа хүн төрөлхтнөөс өшөө авахыг хүсэх ба дэлхий ертөнцөд аюул нүүрлэнэ.
Эдгээр охин тэнгэрүүдтэй халз тулалдах Шазам болон таван баатар бага багаар хүчээ нэгтгэн шуудайд хийсэн үхрийн эвэр шиг бус, нэгэн баг болж тулалдана. Мөн энэхүү үйл явцаар жинхэнэ гэр бүлийн утга учрыг олж авч, сайжран дэвжсэн багийн ажиллагааг харуулна. Хүн төрөлхтнийг заналхийлэн сүрдүүлэх олон мангасууд ч бас сонирхол татах ажээ.
Арслан ба жигүүртэн, мөн хүн ба жигүүртний биетэй мангас, өрөөсөн нүдэт савдаг, шавардаад хийсэн мэт дүр төрхөөр сүрдүүлэх бодь гөрөөс зэрэг нь айдас түгшүүрийг төрүүлнэ. Сандберг найруулагч “Олон талаар өмнөх ангиас хавьгүй агуу бүтээл болсон” гээд “Өмнөх ангийг бүтээх үеэс илүү эрх чөлөөтэй, онцгой хүч чадлуудыг илүү оруулж өгч байсан учир хийх явцад үнэхээр жаргалтай байлаа. Ялангуяа тулаан ба дэлгэц, дуу чимээнд бүх чадлаа зориуллаа” гэж хэлжээ. Мөн Wonder Woman (Галь Гадот) гарах ба танилцуулга бичлэгээр үзэл баримтлалаа тэлэх ажээ.
“Шазам!: Бурхдын Хилэн” кино 4DX, DolbyAtmos форматаар яг одоо кино театруудад гарч байна. Кино 131 минут үргэлжилнэ.
