Стрессгүй, хөгжилтэй дүрүүдийн тулаан... “Dungeons & Dragons: Honor Among Thieves” кино

2023-03-29 07:58:23

Юуг ч төгс хийж чаддаггүй шуудайд хийсэн үхрийн эвэр шиг багийнхны хөгжилтэй адал явдлыг дүрсэлсэн “Dungeons & Dragons: Honor Among Thieves” кино 2023 оны 03-р сарын 31-ний өдөр нээлтээ хийнэ. Асар том хот улс Невервинтерт өрнөх ер бусын олдворын эрэлд гарч буй хулгайчдын тухай өгүүлэх ажээ. Тус кино шоронд хоригдож байгаа Эдгин, Холгаар эхэлдэг.

Харперс бүлгийн хүндэт гишүүн байсан Эдгин нэгэн хэргийн улмаас хулгайч нэр зүүдэг. Тухайн үед Эдгин, Софинагийн хүсэлтээр Холга, шидтэн Саймон, луйварчин Форжтой хамт Кориний агуулахад нууцаар нэвтрэх боловч, Софина тэднээс урваснаар шоронд хоригддог. Нарийн арга сэдэн Холгатай хамт шоронгоос оргосон Эдгин эрхэм хүмүүстэйгээ дахин уулзаж, Дахин амилуулах пайзыг эргүүлж авахын тулд өөрийн багийг бүрдүүлж эхэлдэг.

Ямар нэгэн зүйлээр дутмаг багийн гишүүд ахин дахин бүтэлгүйтсээр урагшилдаг. Ялангуяа хөнгөн хэлбэрийн хошин байдлыг агуулсан хэдий ч, тулааны хүнд хэлбэрийг тусгаснаас гадна, уламжлалт уран зөгнөлт киноны уур амьсгалыг амилуулсан байна. 

Олон тулаант киногоор өөрийгөө баталсан Крис Пайн нь бард шиг хөнгөн шингэн тулалдаж, Мишель Родригес варвар шиг ширүүн тулааныг харуулах ажээ. Онцгойлон олон төрлийн амьтан болж өөрчлөгддөг друидын хувирал, тулаан анхаарал ихээр татах аж.

Мөн авьяасаа нээгээгүй шидтэн “Саймон” (Жастис Смит), сонирхолгүй байдлаас бусдыг бүгдийг төгс эзэмшсэн паладин “Зэнк” (Реге-Жан Пейж), луйварчин зальт этгээд “Форж” (Хью Грант), хүчит шидтэн “Софина” (Дейзи Хед) гээд дүр бүр өөрийн гэсэн онцлогтой ажээ.

Шар шувуу толгойтой, өдөн биетэй баавгай болж хувирдаг “Шар шувуун баавгай”, чулуу шүршин аюул учруулагч “Драгон Лакор”, тархи идэж биеийг нь захирдаг махчин “Локнон”, гүн агуйгаас сэрсэн аварга том, тарган улаан “Темберсауд” гэх зэрэгтэй адил уран зөгнөлт тоглоомд дурлагсдад дасал болсон бүтээл, санаанууд бас гарч ирэх нь үнэхээр сэтгэл баясгамаар гэлтэй.   

“Dungeons & Dragons: Honor Among Thieves” кино 2023 оны 03-р сарын 31-ний өдөр нээлтээ хийнэ. Кино 134 минут үргэлжилнэ. 

Зургийн эх сурвалж: Paramount pictures