“The Super Mario Bros. Movie”, “Галзуу хурд 10” “Галактикийн хамгаалагчид 3”… орлогоор тэргүүлэгч гурван цувралын шинэ анги дэлгэцнээ.

2023-04-05 14:48:39

“The Super Mario Bros. Movie”, “Галактикийн хамгаалагчид 3”, “Галзуу хурд 10” гээд үнэхээр үзүүштэй, сонирхолтой түүхийг өгүүлэх Холливудын блокбастер кинонууд удахгүй нээлтээ хийнэ.

2023 оны 04-р сарын 07-ны өдөр нээлтээ хийх “The Super Mario Bros. Movie” кино нь Бруклиний эгэл жирийн сантехникч Марио өөр ертөнцийн хорон санаатан Боузерт барьцаалагдсан дүү Луйжигээ аврахын тулд Супер Марио болж буй тухай өгүүлэх супер адал явдалтай кино юм.

Дэлхий дахинаа видео тоглоомын хамгийн хүчирхэг компани болох Нинтенто болон “Минионууд”, “Алдрын зам” зэрэг киног бүтээсэн Иллюминэйшн компаниуд хамтарсан нь шуугиан тариад байгаа билээ.

Мөн дуу оруулсан жүжигчдийн бүрэлдэхүүнд Холливудын томоохон төлөөлөгчид болох Крис Прэтт, Аня Тейлор-Жой, Жэк Блэк зэрэг багтаж байгаа нь блокбастер анимейшн гэдгээ харуулж байна.

“Super Mario Bros” нь видео тоглоомд байдаггүй, зөвхөн кинонд зориулсан шинэ түүх, шинэчлэгдсэн дур булаам дүрүүдийн эрч хүч, Солонгон зам дээр өрнөх машины ширүүн уралдаан гээд хүчтэй тулаан бүгдийг багтаасан нь кинонд дурлагсдад өндөр хүлээлт үүсгээд байна.

2023 оны 05-р сарын 05-ны өдөр нээлтээ хийхээр болсон “Галактикийн хамгаалагчид 3” кино мөн адил энэ хавар кино театрт заавал очиж үзэх киноны нэг юм.

Нийт цувралын бүх анги дэлхий дахинаас нийтдээ 1,637,100,000 долларын орлого олж, үзэгчдийг байлдан дагуулж байсан “Галактикийн хамгаалагчид” цуврал гайхалтай шинэ түүхээр цувралыг үргэлжлүүлж байгааг зарлах энэ удаагийн бүтээлд Стар-Лорд, Гамора, Дракс, Небула, Мантис, Рокет зэрэг хүчтэй нэгдлийг бүрдүүлсэн гол дүрүүд эргэн ирж дахин байлдан дагуулах ажээ.

Энэ хавар кинонд дурлагсдыг гэгэлзүүлэх сүүлийн бүтээл нь дэлхий дахиныг догдлуулсан хамгийн шилдэг тулаант франчайз “Галзуу хурд” цуврал дуулиантайгаар эргэн ирж буйг зарлах “Галзуу хурд 10” юм. 2023 оны 05-р сарын 19-ний өдөр нээлтээ хийхээр болсон тус бүтээлд цувралын турш эрч хүчтэй байсан Вин Дизелиэр ахлуулсан Жейсон Стейтем, Жон Сена, Шарлиз Терон зэрэг Холливудын өмнөө барьдаг, алдартай жүжигчдийн шинэчлэгдсэн тулаан, гүн гүнзгий сэтгэл хөдлөлөөр үзэгчдийн догдлуулах ажээ.