BTS хамтлагийн Жиминий оролцсон “Галзуу хурд 10” киноны дуу
2023-05-15 19:11:37
BTS хамтлагийн Жиминий оролцсон “Галзуу хурд 10” киноны дуу аль хэдийн ярианы халуухан сэдвүүдийн нэг болоод байна.
2023 оны 05-р сарын 09-ний өдөр “Universal Pictures” кино бүтээгчийн “Галзуу хурд 10” киноны “Angel, Pt.1” гол дууны клипний танилцуулга цацагджээ.
Жимин нь Америкийн уран бүтээлч Kodak Black, NLE Choppa, JVKE, Muni нартай хамт оролцсон байна. Энэхүү мэдээ нь BTS хамтлагийн шүтэн бишрэгчдийг баярлуулж, твиттерт #Angel_Pt1' 1-т гээд 'JIMIN IS COMING', 'JIMIN FOR FASTX SAGA', 'JIMIN'S VOICE' зэрэг үгс Америкийн олон нийтийн сүлжээг эзэгнэсэн байна.
Ялангуяа Жиминий гардаг “Галзуу хурд 10” киноны богино бичлэг олон нийтэд цацагдсан даруйдаа кино сонирхогчид болон К-попын шүтэн бишрэгчдийн сэтгэлийг баясгаж, Music Video World Trending 3-т, мөн 20 улсын iTunes-ийн Top Song Chart-ын 1-т бичигдэж, iTunes World Chart-ийн 4-т, Europe Chart-ын 9-т бичигдсэн зэргээр маш их шуугиан тарьж байна.
“Angel_Pt1” нь трэйлер хувилбараар олон нийтэд цацагдсаны дараа хоногт “Spotify” давхардаагүй тоогоор 826,283 сонссон байна. JVKE өөрийн олон нийтийн сүлжээгээр энэхүү бүтээлд хамтран ажилласандаа олонтоо талархсанаа илэрхийлсэн бол NLE Choppa “Жиминтэй хамтарсан нь нэр төрийн хэрэг байлаа. Гайхалтай crossover байсан.” гэж уламжилсан байна.
Жиминий оролцсон “Angel Pt1” дууны клип 2023 оны 05-р сарын 18-ны өдөр албан ёсоор цацагдах ба “Галзуу хурд 10” кино 2023 оны 05-р сарын 19-ний өдөр кино театруудад нээлтээ хийх ажээ.
