“Индиана Жонс: Хувь тавилангийн хүрд”, 300 сая доллароор бүтжээ

2023-06-17 08:48:38

“Индиана Жонс: Хувь тавилангийн хүрд” цуврал түүхэн дэх хамгийн их зардлаар бүтжээ. Тус кино нь түүхийг өөрчлөх хувь тавилангийн хүрдийг эргэн олж авахын тулд шинэ адал явдалд гарсан Индиана Жонс дэлхийн олон улс оронд зураг авалтаа хийсэн домогт тулаант, адал явдалт кино юм.

Цувралын түүхэн дэх хамгийн их зардлаар бүтсэн тус кино дэлхийн олон оронд зураг авалт хийснээрээ шуугиан тарьж байгаа билээ. Тус бүтээлийг 294.7 сая доллароор хийсэн ба “Индиана Жонс” өмнөх дөрвөн ангийг бүтээсэн нийт зардлаас даваад байна. 

Кино баг болон жүжигчид “Индиана Жонс” цувралын өнгө төрхийг харуулахын тулд Мароккогоос Итали, Шотланд, Англи гээд дэлхийн олон улсад очиж, гайхалтай байгалийн үзэмжийг багтаажээ. “Индиана Жонс”-ын шинэ, олон янзын адал явдлыг тухайн улс орон бүрийн гайхалтай үзэмж, байгалиас л харж болох өнгөний хослолоор илүү баяжуулсан байна.

Харрисон Форд “Индиана Жонс” цувралын маш чухал хэсэг нь үзэгчид киноноос дэлхийн олон газарт бодитоор очсон мэт мэдрэмжийг авах болно” гэж танилцуулсан байна. 

“Индиана Жонс: Хувь тавилангийн хүрд” кино 2023 оны 06-р сарын 30-ны өдөр нээлтээ хийнэ.

Зургийн эх сурвалж: Disney