Гал Эмберийн царайнаас авхуулаад ус Вэйдийн үс гээд... “Элементийн эзэд”-ийн дуу алдуулам байдал

2023-07-18 10:12:10

“Элементийн эзэд” анимейшн нь гал, ус, агаар, шороо гэсэн 4 элемент амьдардаг Элементийн хотод овсгоо самбаатай, гал шиг хүсэл тэмүүлэл дүүрэн Эмбер нь сэргэлэн цовоо, сэтгэл хөдлөл ихтэй, ус шиг урсан амьдрах Вэйдтэй тааралдаж, түүнээс хойш дотно найзууд болж, улмаар өөрийнхөө шинэ боломж бололцоог нээн олдог тухай өгүүлэх ажээ.

Эмбер нь киноны турш байнга хувирч өөрчлөгддөг элемент шигээ сэтгэл хөдлөл нь галын хэлбэр төрхөөр бүгд илэрхийлэгдэж байхад анхаарчээ. И Чэён хүүхэлдэйн кино бүтээгч “Эмберийг харуулахын тулд онцгойлон тунгалаг байдал, овор хэмжээ, гэрлийн тусгалд их анхаарсан.

Эдгээр зүйлсээр галын дүрэлзэх байдлыг илэрхийлж, Эмберийн хөдөлгөөнөөс хамааран галын цог тэнгэр өөд оргилохоор мөн илэрхийлсэн.” гэжээ. Зураг авалт, гэрэлтүүлгийг хариуцагч Жан-Клод Калаш “Эмбер уурлахад галын хэмжээг илүү ихэсгэж болох боловч, хэтэрхий ихэсгэвэл болохгүй.

Тиймд нарийн тодорхой илэрхийлэн харуулахын тулд гэмших мэдрэмж төрөх юм уу, сул дорой байдлыг харуулахдаа галын хэмжээг нь бууруулсан” гэж хэлсэн байна. Байнга гал дүрэлзэж байх, мөн сэтгэл хөдлөлийн өөрчлөлтийн улмаас галын цогийн хэмжээ, өнгө нь хувирч өөрчлөгдөх нь үзэгчид Эмберийн сэтгэл хөдлөлд илүү төвлөрч, сонирхолтой байх болно.  

Усны элементтэй Вэйдийг илэрхийлэхэд маш төвөгтэй байжээ. Дүрийн харагдах байдлыг хөгжүүлэгч зургийн дарга “Вэйдийн үсэнд онцгой анхаарч, сэтгэлээ зориулсан. Усаар бүтээгдсэн гэдгийг санагдуулахын зэрэгцээ, хэтэрхий эмх замбараагүй харагдаж болохгүй.” гэж тайлбарласан байна. Питер Сон найруулагч “Вэйд бол ус, юуг ч нууж чадахгүй.

Тиймд тунгалаг, өнгөгүй байх шаардлагатай. Хөдөлгөөн нь хэт удаан байвал цэлцгэнүүр шиг харагдсан учир гэрэлтүүлгээр тест хийхдээ тув тунгалаг харагдахаар болгосон.” гэж мэдэгджээ.

Агаар Гейлийг илэрхийлэхдээ “Толгой, хацар, аманд өтгөн үүлний өтгөн, сийрэг байдлаар хэр зэрэг том болохыг харуулах зааварчилгааг аваад ажлаа эхэлсэн.” гээд “Замхраад эргэн хэлбэр дүрстэй болох үзэгдлийг харуулахдаа өтгөн үүлийг ашигласан.” гэж онцолсон байна. Шороо Клод нь бэхжээгүй хатуу биетээс бүрдэх тул бусад дүрүүдээс ашиглах материал, хөдөлгөөн нь өөр учир маш их санаа зовоожээ.

Киноны баг “Шороогоор дүрсэлсэн дүрүүд биеэс нь ургамал ургах нь үнэхээр сонирхолтой байдаг. Ургамал нь чимэглэл, бас хувцасны үүргийг гүйцэтгэх ба биед нь царс мод, алимын мод, шилмүүст мод, шугуйн цэцэгс ургаж олон төрлийн модод алаглах байдлаар илэрхийлсэн.” гэж мэдэгдсэн байна. 

“Элементийн эзэд” яг одоо кино театруудад. 

Зургийн эх сурвалж: Disney