Жейсон Стейтем “Мег 2: Далайн Гүнээс” киногоор үзэгчидтэйгээ дахин уулзах болно.

2023-07-31 09:55:11

Илүү ширүүн, үзүүштэй тулаан ихтэй, энэ зун кино театруудыг байлдан дагуулах “Мег 2: Далайн Гүнээс” киноны үндсэн постер, трэйлер цацагдлаа. Тус кинонд дэлхийн хамгийн гүн хэсэг Марианы хонхор, хамгийн хэрцгий махчин загас амьдардаг тэрхүү газарт шумбагч Жонас (Жейсон Стейтем) нь илүү догшин, илүү том, илүү олон мегтэй ширүүн тулааныг өрнүүлэх тулаант, адал явдалт кино юм.

Олон нийтэд цацагдсан үндсэн постерт усны давлагаа зүсэн явах Жонас, түүнийг мөшгөх мегийн дүр төрх анхаарал татах ажээ. Дэлгэцийг бүхэлд нь дүүргэх мег нь бүгдийг залгих мэт амаа томоор ангайлган шүдээ арзайлгах нь үзэж буй хүмүүсийг түгшээх аж.

Өмнөх ангийн үргэлжлэл болгож мегтэй дахин тааралдсан Жонас нь зугтаж байгаа боловч нэг гартаа зэвсэг барин эрс шийдэмгий байх ба тэрхүү амь эрссэн тулааны ялагч хэн байх вэ гэдэг нь сонирхол татаж байна. Харин трэйлерт хуурай газрыг ноёлсон Тираннозавраас ч том, догшин мегийн байдал нь сүрдэм. Хүмүүсийг аврахын тулд дахин гарч ирсэн тэнгисийн цэрэг асан шилдэг шумбагч Жонас, хүчирхэг мегтэй тулалдан сэтгэлийг түгшээх болно.

“Ганцаараа биш” гэсэн үгтэй хамт далайд махчин загасны хоолойг барих аварга том наймаалж “Мега Наймаалж” гарч ирнэ. Мегтэй хамт далайн гүн дэх төрөл бүрийн амьтад, шинэчлэгдэн сайжирсан байдал нь үнэхээр хүлээлт үүсгэж байна.   

“Мег 2: Далайн Гүнээс” кино 2023 оны 08 сарын 04-ний өдөр кино театруудад нээлтээ хийнэ. 

Зургийн эх сурвалж: Warner bros