Дэлхий дээрх хамгийн хачирхалтай байшин... “Сүнстэй байшин”

2023-08-01 15:55:54

Диснейгээс хязгааргүй төсөөлөх чадварын гайхалтай дүрслэл, нарийвчлалыг харуулах “Сүнстэй байшин” киноны дүрүүдийн 10 постер нийтэд дэлгэгдлээ. Олон нийтэд цацагдсан 10 постерт дэлхий дээрх хамгийн хачирхалтай байшинд үзэгчдийг урих өөрийн гэсэн өвөрмөц онцлогтой сүнсний мэргэжилтэн нар болон хачин этгээд сүнснүүд байгаа нь сонирхлыг татаж байна. “Сүнстэй байшин” киног Диснейн Theme Park attraction-ий “Сүнстэй байшин”-аас санаа авч 999 сүнстэй байшинд ирсэн сүнсний мэргэжилтэн нарын амь өрссөн тэмцлийг дүрсэлсэн кино ажээ. Юун түрүүнд, жихүүцэл төрүүлэм байшингаас сүнснүүдийг хөөн зайлуулах хүсэлтийг авч цугласан айдаггүй сүнсний мэргэжилтэн нарын дүр төрх анхаарлыг татаж байна. 

Нууцлаг үзэгдлийн мэргэжилтэн боловч үнэхээр сүнс байдаг гэдэгт итгэдэггүй Бен (Лакит Стэнфилд), хөгжилтэй, өөрийн гэсэн өвөрмөц онцлогтой үзмэрч “Харриет (Тиффани Хэддиш)”, хипстер шиг стильтэй бадрангуй санваартан “Кэнт (Оуэн Уилсон), мөн олон жил сүнстэй байшинг судалж ирсэн түүхийн багш “Брюс (Дэнни Дэ Вито)” нар байнга чөлөөтэй өөрчлөгддөг байшинд бүгд хамтдаа төсөөлшгүй амь өрссөн тэмцлийг өрнүүлж, хөгжилтэй хамтралыг харуулах болно.

Түүнчлэн 999 сүнстэй байшинд нүүж ирсэн ээж “Габби (Розарио Доусон), аймхай хүү “Травис (Чейз Диллон)” нар сүнсний мэргэжилтэн нарын тусламжтайгаар сүнснүүдийг хөөн зайлуулж байшингаа эргүүлэн авч чадах эсэх нь анхаарал татаж байна. Сүнсний мэргэжилтэн нарт байшинд болж байгаа явдлыг хэлж өгч буй үл таних дүр “Хатагтай Леота (Жейми Ли Кёртис)”, хүчирхэг дүр төрх, анхаарлыг агшин зуур татах хачин этгээд сүнснүүдийн дүр төрх нь энэ зун Диснейгээс үзүүлэх хязгааргүй төсөөлөх чадвар, гайхалтай дүрслэлд хүлээлт үүсгэж байна.

Дэлхий дээрх хамгийн хачирхалтай байшинд үзэгчдийг урих “Сүнстэй байшин” яг одоо кино театруудад гарч байна. 

Зургийн эх сурвалж: Disney