“Фреддигийн пиццаны газарт өнгөрүүлсэн 5 шөнө” кино, 51 улсын бокс оффист 1-т бичигджээ

2023-11-03 12:44:48

“Universal picture”-ийн мэдээлснээр “Фреддигийн пиццаны газарт өнгөрүүлсэн 5 шөнө” кино Умард Америкаас авхуулаад дэлхийн 51 улсын бокс оффист орлогоороо 1-т бичигдэж тэсрэлт хийхийн зэрэгцээ Блумхаусын түүхэнд хамгийн шилдэг кино нээлт гэсэн гайхалтай рекордыг бүтээж, амжилтын буухиагаа эхлүүлжээ.

“Фреддигийн пиццаны газарт өнгөрүүлсэн 5 шөнө” кино 1980-аад онд хүүхдүүд алга болсон хэрэгтэй холбогдсоноор хаалгаа барих болсон “Фреддигийн пиццаны газар”-т шөнийн ээлжийн хамгаалагчийн ажилд орсон Майк пиццаны газрын хөдөлгөөнт роботуудын хачирхалтай дүр төрх дэлхий дахины үзэгчдийн анхаарлыг татаад байна. Кинонд гардаг маскотууд болох “Фреддигийн найзууд” өөрийн гэсэн өвөрмөц өнгө төрхтэй бөгөөд ямар нэгэн хачирхалтай уур амьсгалыг бүрдүүлдэг нь магтаал дагуулсаар байна.

Гаднын хэвлэл мэдээллийн хэрэгслүүдэд ч бас “Үнэхээр шар үс босгом кино(Nerd Reactor)”, “Гайхширал төрүүлэм хөдөлгөөнт роботууд.(That Hashtag Show)”, “Хөдөлгөөнт роботуудтай уулзах баяр хөөр.(Nightmarish Conjurings)”, “Зөвхөн хараад л гайхалтай чанар.(John Nguyen)” гэх зэргээр хөдөлгөөнт роботын сайн чанарыг бишрэхийн зэрэгцээ хосгүй сэтгэл татах байдлыг нь магтсаар байна.

Нээлтээ хийсэн эхний долоо хоногт Умард Америкийн бокс оффисын орлогоороо 1-т, Блумхаусын бүтээлээс түүхэнд нээлтийн орлогоор 1-т, аймшгийн киноны нээлтийн орлогоор 3-т, дэлхийн 51 улсад бокс оффис дахь орлогоор 1-т бичигдсэн гээд асар их амжилтыг дагуулж байгаа Блумхаусын “Фреддигийн пиццаны газарт өнгөрүүлсэн 5 шөнө” кино яг одоо кинотеатруудад гарч байна. 

Зургийн эх сурвалж: Universal pictures