“Aquaman and the Lost Kingdom” бүтээлээрээ үзэгчидтэйгээ том дэлгэцээр Жейсон Момоа

2023-11-30 12:13:28

Атлантисын хаан болсон Акуамэн, түүний хаант улсад нүүрлэсэн хамгийн хүнд аюул, далдлагдсан нууцын дунд усны ертөнцөө аврахаар хүчээ сорьж буй агуу аяны талаар өгүүлдэг тулаант блокбастер кино юм. DCU-ийн цувралаас орлогоороо тэргүүлсэн “Aquaman’ бүтээлийн дараагийн анги юм.

Олон нийтэд цацагдсан танилцуулга постерт асар том давлагаа үүсгэх догшин далайд гялалзан гялтганах алтан сэрээт таяг барьсан “Акуамэн”(Жейсон Момоа) зогсож байдаг.

Түүний булчинлаг бие, харц нь Атлантисын хаан болсон “Акуамэн”-ийн сүр хүчийг илтгэдэг. “Шинэ далай нээгдэнэ” гэсэн үг цаашид өрнөх үйл явдлын талаарх сонирхлыг төрүүлэх ажээ. 

Мөн олон нийтэд цацагдсан трэйлер нь илүү сайн нарийвчлал, гоёмсог дүрслэлээр үзэгчдийг гайхшируулдаг. Тус кинонд өөрийн гэр бүлийг зохиож, аз жаргалтай амьдарч байгаа Артур Карри буюу агуу Атлантисын хаант улсын хаан Акуамэнээр эхэлдэг.

Улмаар дэлхий ертөнцийг устгах хүчтэй захирагч “Хар сэрээ таяг” гартаа барьсан хар Манта гарч ирэх ба мөхөх аюулд унасан усны ертөнцийг дүрсэлсэн нь хүмүүсийн сонирхлыг төрүүлэх ажээ.

Өмнөх ангид Артурыг түлхэн зайлуулахын тулд хар Мантатай хуйвалдаж байсан Артурын эцэг нэгт ах Орм(Патрик Уилсон) аюулд унасан Атлантисыг аврахын тулд гараа сунгаж, Артуртай хүчээ нэгтгэхээс өөр аргагүй байдалд ордог.

Тус киноны трэйлерээс сүрлэг дуу чимээ, далай, эх газар гээд тансаг гоёмсог газруудыг гайхуулж, төсөөллөөс илүү нарийвчлалтайгаар 2023 оны сүүлийг чимэглэх блокбастер киноны сүр хүчийг харах болно.

Найруулагчаар нь өмнөх ангийг найруулсан Жэймс Ван найруулагч ажиллаж, Жейсон Момоа, Патрик Уилсон, II Яхья Абдул-Матин, Николь Кидман, Эмбер Херд гээд анхны жүжигчдийн бүрэлдэхүүн нь хүчээ нэгтгэж, усны ертөнцийн гайхалтай тулааныг харуулах болно.

Мөн өмнөх анги “Aqauman”-аас авхуулаад Жэймс Ван найруулагчтай олон жил гар нийлж ажилласан гэдгээрээ бахархах Питер Сафран продюсерлосон ба өмнөх ангийн эх зохиолыг бичсэн Дэвид Лесли Жонсон-Макголдрик, хөгжмийн найруулагч Руперт Грегсон-Уильямс, ерөнхий зураач Билл Брзески зэрэг анхны кино багийнхан ахин Акуамэнийн супер баатрын их тулааныг харуулах ажээ.  

Зургийн эх сурвалж: Warner bros