“Kingsman” чадвар хэвээрээ... Мэттью Вон найруулагчийн шинэ кино “Argylle”
2024-02-01 16:07:19
Вон найруулагчийн шинэ бүтээл “Argylle”-д ч бас үзэгчдийн тархинд удаан хоногшиж үлдэх үзэгдэл гарна. Энэ удаагийн бүтээлийн гол дүр “дунд насны царайлаг залуу” бус, амьдралдаа нэг ч удаа хүнтэй гар зөрүүлж үзээгүй мэт 30 гаран насны эмэгтэй Элли (Брайс Даллас Ховард) юм.
Цайны газарт ажиллаж байгаад тагнуулчтай роман “Argylle”-аар богино хугацаанд шилдэг борлуулалттай зохиолын зохиолч болсон тэрээр шинэ бүлгээ дуусгаад байна. Гэвч ээж Рут (Кэтрин О’Хара)-д нь төгсгөлийн хэсэг таалагддаггүй.
Тиймд Элли түүнээс зөвлөгөө авахаар гэр лүү нь явах галт тэрэгт сууна. Энэ үеэс эгэл жирийн байсан Эллигийн амьдрал алга урвуулах төдийд өөрчлөгддөг. Галт тэрэгний зорчигчид гэнэт л Элли руу дайрч эхэлдэг.
Анх удаа тааралдаж байгаа залуу Эйдэн (Сам Роквэлл) түүнийг авардаг боловч Эллигийн төсөөлж байсан хээнцэр тагнуулчийн төрхөөс тэс өөр байсан учир итгэл төрдөггүй. Нүднийх нь өмнө тагнуулчид зодолдож байгаад итгэхэд бэрх боловч, Эйдэн үнэхээр хачирхалтай зүйлийг Эллид хэлдэг. Тэр нь Эллигийн номын үйл явдал бодит амьдрал дээр биеллээ олсноор дэлхийн бүх тагнуулчдын бай болоод байгаа ажээ.
Киноны эхэнд жирийн тагнуулчтай эхэлсэн кино дунд хэсгээсээ тэс өөр болж, үзэгчдийг түгшүүлэх аж. Элли, Эйдэн нарын тийнхүү хайж тэнүүчилж байсан жинхэнэ Аргайлийн бодит төрхийг мэдэх хүн тийм ч олон биш. Эллигийн бичсэн “Argylle” романы дүрүүд ч бас гарна гэдэг нь сонирхол татаж байна.
Уг романд дэлхийн шилдэг тагнуулч Аргайл(Хенри Кавил), хүч чадлаараа сайрхах түүний хамтрагч Вайт (Жон Сина) нар өөрсдөдөө маш их эрддэг. Харин дэлхийд бодитоор байдаг тагнуулч Эйдэн нь нийгмийн харилцаа муутай хөрш ах. Булчин шөрмөсгүйн дээр архи үнэртүүлсэн боловч, Эллитэй тулалдахдаа маш сайн гар нийлдэг.
Эллигийн муур Альфи нь өхөөрдөм төрхтэй бөгөөд гол дүрээс илүү үзэгчдийн анхаарлыг татах ажээ. Жүжигчид үнэхээр ямар ч өөгүй сайн тогложээ. Ялангуяа Эллигийн дүрийг бүтээсэн Хорвард өөр хүн оронд нь тоглочхов уу гэж андуурмаар маш сайн жүжиглэсэн байна. “Kingsman”-д тоглосон Самуэл.Л Жексон, София Бутелла нар өвөрмөц дүрээр тус кинонд гарах аж. Дур булаам тагнуулчийн дүрд хувирсан поп од Дуа Липа ч бас сайн жүжиглэжээ.
“Argylle” кино 2024 оны 02 сарын 2-оос кино театруудад.
