“Кунфу Панда 4” 3-р сарын 8-ны өдөр нээлтээ хийнэ

2024-02-19 02:50:56

“Кунфу Панда 4” кино 2024 оны 3-р сарын 8-ны өдөр нээлтээ хийхээр болж, постер, трэйлерээ олон нийтэд цацжээ. “Кунфу Панда 4” нь Луугийн Дайчин По (Жэк Блэк) өрсөлдөгчийнхөө тулааны техникийг тэр чигээр нь хуулбарладаг хүчирхэг хорон санаатан Хамелеонтой тулалдаж амар тайвны хөндийг хамгаалах тухай өгүүлэх тулаант адал явдалт кино юм.

Дотоод амар тайвнаар кунфуг бүрэн эзэмшсэн Луугийн Дайчныхаа хувьд Погийн хүчирхэг харизм болон үүнээс тэс ондоо махлаг бие нь анхаарал татаж, “Кунфу Панда 4”-өөс л үзэх боломжтой сонирхолтой түүхийг өгүүлэх аж. 

Олон нийтэд цацагдсан эхний трэйлерт Пог кунфу мастер болгосон их багш Шифүгийн “Одоо шинэ адал явдлыг эхлүүлэх цаг” гэсэн үгээр эхэлж, Погийн энэхүү кинонд учрах саад бэрхшээл, сорилтууд, мөн эрх хүч дүүрэн дүр төрх нь тун үзүүштэй.

Түүний өрсөлдөгч Хамелеон өөрийн хүч чадлаар Луугийн Дайчин Пог унагаах төлөвлөгөө боловсруулж, тусламж хэрэгтэй По Хамелеоны нууцыг мэддэг Жен(Аквафина)-тэй уулзаж, хамтдаа Хамелеоны эсрэг тулалдах шинэ багийг бүрдүүлж эхэлдэг.

Хүчирхэг хорон санаатантай тулалдахын тулд Погийн кунфугийн тулаан нь цувралд байгаагүй хамгийн гоёмсог тулааны техникийг гайхуулах ба гарын алганы хөлсийг урсгам тулаанаар үзэгчдийг байлдан дагуулна. 

“Кунфу Панда 4” 2024 оны 3-р сарын 8-ны өдөр нээлтээ хийнэ. 

Зургийн эх сурвалж: Universal pictures