“The Garfield Movie”, “Inside Out 2”, “Moana 2” Холливудын анимэйшний дараагийн ангиуд үргэлжлэх болно
2024-04-29 03:33:45
2024 оны 03-р сарын 08-ны өдөр эргэн ирсэн “Кун Фу Панда 4”-өөр эхэлсэн Пиксарын “Inside Out 2”, Диснейн “Moana 2”-ын дараагийн анги ээлж дараалан нээлтээ хийх гэж байгаа бөгөөд энэхүү анимэйшнүүд кино театруудыг байлдан дагуулах ажээ.
Юун түрүүнд хүлээлт үүсгэж байгаа бүтээл бол 2024 оны 06-р сарын 14-ний өдөр нээлтээ хийх “Inside Out 2” юм. Баяр хөөр, уйтгар гуниг гэх мэт хүний олон янзын сэтгэл хөдлөлийг дүрээр илэрхийлсэн 2015 онд олны хүртээл болсон “Inside Out”-ийн дараагийн анги 9 жилийн дараа эргэж ирж байна. Өмнөх ангид гарч байсан 5 төрлийн сэтгэл хөдлөл дээр түгшүүр, сандрал, атаархал, уйтгар гэх мэт шинэ сэтгэл хөдлөлийг нэмж, шилжилтийн нас нь дөхсөн гол дүр Райлигийн дотоод сэтгэлийг уран яруу дүрслэх ажээ.
2023 оны 11-р сард олон нийтэд анх цацагдсан трэйлер нь цацагдсанаас 24 цагийн дотор 15.7 сая үзэлтийн амжилтыг тогтоож, “FROZEN”-ийг ардаа орхиж Дисней – Пиксар анимэйшний трэйлерийн урьд хожид байгаагүй хамгийн богино хугацаанд хамгийн их хүн үзсэн амжилтыг үзүүлж, кино ямар сонирхолтой болохыг нотолсон байна.
Тус анимэйшн гарахаас өмнө 2024 оны 05-р сарын 23-нд “The Garfield Movie” кинотеатруудад гарах аж. 1978 оноос өнөө хүртэл 45 дахь жилдээ “The Garfield” комикоор хийж байгаа бүтээл бөгөөд 2004 онд нээлтээ хийсэн уран сайхны кино гарсанаас 20 жилийн дараа кинотеатрт гарах анимэйшн юм. Гадагшаа огт гарч үзээгүй гэрийн муур Гарфилд анх удаа гадаа хаягдсанаар эхлэх бартаат аяллыг дүрслэх ажээ.
“Галактикийн хамгаалагчид” цуврал, “Супер Марио ах дүүс”, “Юрийн галавын ертөнц” цуврал гэх зэрэг жанрыг давж, олны хайр хүндлэлийг хүртээд байгаа жүжигчин Крис Прэтт “Гарфилд”-ын дууг оруулах аж. Гарфилдын аав, эрх чөлөөт муур “Вик”-ийн дууг Марвелын цуврал гэх зэрэг олон бүтээлд өөрийн оршин байгааг илт давуу харуулсан Самуэл Л.Жэксон, Гарфилдын эзэн “Жон”-ы дууг “X-men” цуврал, “Mad Max: Fury Road”-ийн Николис Холт оруулж хүлээлт үүсгэж байна.
2024 оны 11-р сард хараал хүртсэн Мотунуй арлыг аврахын тулд алс холын далай уруу явсан Моана охины түүхийг дүрсэлсэн 2016 онд нээлтээ хийсэн Диснейн анимэйшн “Моана”-гийн дараагийн анги 8 жилийн дараа нээлтээ хийх нь ээ. Юуны талаар өгүүлэх тодорхой биш байгаа боловч, 2024 оны 3-р сард Дисней компани ээлжит хувьцаа эзэмшигчдийн хурлын үеэр 1-р ангиас илүү төлөвшсөн Моанагийн дүр төрхийг харуулсан киног анх удаа дэлгэж анхаарлыг татсан билээ.
Зургийн эх сурвалж: Sony pictures, Disney
