“Месси англиар?” “Муу залуус: Үүрд хамтдаа” камео(cameo)-д тоглож “англиар ярина”

2024-06-02 07:20:36

Лионель Месси (Inter Miami CF) Холливудын кинонд тогложээ. 

Английн өдөр тутмын сонин “Dailymail”-д 2024 оны 5-р сарын 28-ны өдөр Вилл Смит, Мартин Лоуренс нар гол дүрд нь тоглосон инээдмийн тулаант “Муу залуус: Үүрд хамтдаа” кинонд Месси тоглосон талаар нийтэлсэн байна. 

Киноны сурталчилгаанд зориулсан богинохон бичлэгт Месси гол дүрийн хоёрын гэрт нь очиж, “Муу залуус?” гэж хэлж байгаагаар гардаг. 

Dailymail-д мэдээлснээр, энэхүү бичлэгийг үзсэн хөл бөмбөгийн шүтэн бишрэгчид хоёр зүйлд гайхсан байна. 

Нэгдүгээрт, “зөвхөн хөл бөмбөг гэдэг” Месси кинонд тоглосон гэдэгт гайхжээ. Месси “мөнхийн өрсөлдөгч” Кристиано Роналдо (Alnassr FC)-оос ялгаатай нь кино зэрэг мэдээллийн нэвтрүүлэгт ордоггүй байсан. Нондин жил Inter Miami FC багт орж Америкт тоглох болжээ. 

Хоёрдугаарт, англиар ярьсан гэдэгт гайхжээ. Аргентинд төрсөн Месси испани хэлтэй улсууд болох Аргентин, Испанид амьдарч ирсэн. Англи хэл сурах шаардлагагүй байжээ. 

Мессигийн багийн тоглогч герман гаралтай Юлиан Грессель саяхан өгсөн ярилцлагын үеэр “Мессигээс англи хэл мэдэх үү гэж асуухад “Үгүй, миний испани хэл англи хэлнээс илүү.” гэж хариулсан.” хэмээн наргиантай яриаг дэлгэжээ. 

Dailymail-д нийтэлснээр, нэгэн шүтэн бишрэгч нь “Амьдралдаа анх удаа Мессиг англиар ярихыг нь сонсох нь ээ.” гэж хэлсэн байна. 

Мессигийн тоглосон “Муу залуус: Үүрд хамтдаа” кино 2024 оны 06-р сарын 07-ны өдөр нээлтээ хийнэ. 

Зургийн эх сурвалж: Sony pictures