2006 онд дэлхий дахинд дуулиан дэгдээж 326 сая ам. долларын ашиг олсон The Devil Wears Prada киноны дараагийн анги The Devil Wears Prada 2 энэ оны 4-р сарын 29-нд нээлтээ хийхээр албан ёсоор товлолоо.
Үүнтэй зэрэгцэн үндсэн зурагт хуудас түгээгдэж үзэгчдийн хүлээлтийг улам нэмэгдүүлж байна.
Зурагт хуудас загварын сэтгүүлийн нүүрийг санагдуулах бөгөөд, гол дүрүүдийг харуулжээ.
Миранда (Мерил Стрип) тод улаан даашинз өмссөн, хүчтэй цоргисон харцаараа Runway сэтгүүлийн ерөнхий эрхлэгчийн байр сууриа бардам илтгэнэ.
Андреа (Анн Хэтэуэй) шинээр редакторын албанд томилогдож, цагаан өнгийн тансаг хослолоор хэн гэдгээ тодотгох мэт.
Эмили (Эмили Блант) хар даашинзаар дэгжин, хурц төрхөө илэрхийлж, Найжел (Стэнли Туччи) өвөрмөц хошигнол, нарийн мэдрэмжээрээ дэлгэцийг чимэхээр нэгджээ.
Мерил Стрип, Анн Хэтэуэй, Эмили Блант, Стэнли Туччи нар 20 жилийн дараа эргэн цуглаж дэлхийн өнцөг булан бүрийн шүтэн бишрэгчдийнхээ дурсамжийг сэдрээж байна.
Хоёрдугаар ангид нүд гялбам загварын ертөнцийн тайзны ар тал, амжилтын төлөөх ширүүн тэмцлийг ил тод харуулж, дүрүүд өнгө төрхөө олж, өсөж өндийж байгаа түүхийг өгүүлэхийг зорьжээ.
The Devil Wears Prada 2 кино 4-р сарын 29-нд нээлтээ хийнэ.
