“Том Харди, Веном эргэн ирлээ”...
2024-06-17 04:42:28
“Веном” цувралын 3 дахь түүх “Веном: Сүүлчийн бүжиг” кино 2024 оны 10-р сард нээлтээ хийхээр болжээ.
2024 оны 06-р сарын 04-ний өдөр олон нийтэд цацагдсан трэйлерт “Веном”-оор эргэж ирж буй Том Харди, урьд хожид байгаагүй хамгийн хэцүү аюул нүүрлэх талаар гарсан нь сонирхлыг ихээр төрүүлж байна. Үүний зэрэгцээ илүү сайжирсан тулаан нь 2024 оны 10-р сард хамгийн шилдэг тулаант блокбастер кино төрж байгаа гэсэн хүлээлт үүсгэж байна.
Трэйлерт мөнхийн хамтрагч Эдди Брок (Том Харди), Веном хоёр хүний мөсгүй танхай этгээдүүдийг цэгцлэх явцад хоорондоо үргэлж зөрчилдөж буй үзэгдлээр эхэлж, урьдын адил сөргөлдөх хоёрын хөгжилтэй хоршлыг харуулах ажээ. Гэвч үзэгдэл солигдож, харь гарагийн биет Симбиот шиг харагдах биетүүд Эдди Брок болон Веномыг мөшгөж эхлэх ба тэдний өмнө шинэ аюул нүүрлэх аж.
Үл мэдэгдэх биетүүдийн байнгын довтолгоонд “Үхэл салгах үе хүртэл” гэсэн үгтэй хамт өмнөх ангиасаа илүү илт давуу байдлыг харуулах “Веном” гарч ирж, харагдах байдлаар аль хэдийн “Веном: Сүүлчийн бүжиг” кино асар их хүлээлтийг үүсгээд байна.
Мөн “Веном: Сүүлчийн бүжиг” кинонд “Веном” цувралын гол шуугиан тарьж байсан Том Харди эргэн ирж, Чиветел Эжиофор, Жуно Темпл зэрэг жүжигчид хамтарсан гайхалтай сонгон шалгаруулалт болсон байна.
“Веном 2”, “Веном”-ын эх зохиолыг бичсэн Келли Марсел дахин ажилласан ба “Веном” цувралын 3 дахь бүтээлийг бүрэн төгс бүтээжээ.
“Веном: Сүүлчийн бүжиг” кино 2024 оны 10-р сарын 25-ны өдөр кино театруудад нээлтээ хийнэ.
Зургийн эх сурвалж: Sony pictures
