“Хойг” киноны онцлогуудаас дурдвал:
2020-07-16 20:47:28
► Илүү нарийн хэмжээс | Бусдаас ялгарах дүрслэл!
“Бусан хүрэх галт тэрэг”-ээс хойш 4 жилийн дараа, балгас болсон газарт амьд үлдэгсэд болон үхдэлүүдийн дунд өрнөх ширүүн тэмцлийг харуулсан тулаант блокбастер “Хойг” кинонд илүү шинэ ертөнцийг үзэх өвөрмөц үзлийг тусгажээ. “"Бусан хүрэх галт тэрэг"-ээс хойш Солонгост ямар нөхцөл байдал үүсэж болох вэ гэж маш их бодсон” хэмээгээд “Тиймээс тус бүтээлдээ урьд өмнө нь сонсож бас дүрслэгдэж байгаагүй бүрэн сүйрч балгас болсон газрыг бүтээн ашигласан нь “Хойг” кино үзэгчдэд танил хэдий ч хүйтэн хөндий байдлыг мэдрүүлж, сэтгэлийг нь татах болно” гэж найруулагч Ён Санг Ху хэлсэн байна.
Ён Санг Ху найруулагчийн бүтээсэн тус бүтээл нь 2020 оны “Канн”-ы кино наадамд албан ёсны зочин бүтээлээр сонгогдсон, Солонгост олны хүртээл болохоос өмнө 185 улсад хэдийн зарагдаж, кино шүтэн бишрэгчдийн анхаарлыг татаад байна. “Канн”-ы кино наадмын зохион байгуулах хорооны дарга Thierry Fremaux хэлэхдээ “Хойг” кино “Бусан хүрэх галт тэрэг”-ийн гайхалтай үргэлжлэл байх болно гэжээ.
► Эргэн ирэгсэд | Амьд үлдэгсэд | Галзуурагсад
“Хойг” кинонд тоглож буй жүжигчдийн гайхалтай жүжиглэлт болон шилдэг багийн ажиллагаа нь үзэгчдийн сонирхлыг нэг шат ахиулаад байна. Зайлсхийх аргагүй даалгавартайгаар балгас болсон газарт ирсэн эргэн ирэгсэд, тэнд золбин нохой шиг амьд үлдсэн амьд үлдэгсэд, түүнчлэн золбин нохойг ангуучлагч зомбигоос ч аймшигтай галзуурагсад гээд олон төрлийн хүмүүсийг кинонд бүрэн төгс дүрсэлсэн байна.
Нас, хүйс үл хамааран өөрийн гэсэн онцлогтой дүрүүд нь хүлээлт үүсгэж байгаа. “Бусан хүрэх галт тэрэг” киноны гол дүрийг Ма Дун Сог(Ma Don Seok) бүтээсэн бол “Хойг” киноны гол дүрийг И Рэ(Lee Re) бүтээжээ. Тэрээр тулалдах чадвартай, хүчирхэг нэгний дүрийг бүтээх ажээ. Мөн амьд үлдэхийн тулд зомби нарыг хайр найргүй машинаар мөргөж хядна, мөн удирдлагатай машинаар зомбинуудын анхаарлыг сарниулах зэргээр овсгоо самбаа, онцгой чадвараар зомбинуудтай тулалдах болно.
► Хурд, хүчийг нарийн харуулсан тулалдаан!
Өөр нэгэн онцлох зүйл бол хурд, хүчийг нарийн харуулсан тулалдаан. Балгас болсон газар олон жил амьд байж, зомбинуудын онцлог шинжийг илрүүлсэн “Хойг”-ийн амьд үлдэгсэд галт зэвсгээс авахуулаад бүхий л зэр зэвсгээр зомбинуудтай нүүр тулна. 4 жил өлсгөлөн байсан, гэрэл болон дуунд мэдрэг болсон зомбинуудыг хурц гэрэлтэй удирдлагатай машин, утаа гаргагчаар анхаарлыг нь сарниулж, ухаалаг тэмцэж байгаа амьд үлдэгсэд, өөдөөс нь улайран гүйн ирж байгаа зомбинуудыг хайр найргүй буудан урагшлах тэдний амьд үлдэхийн тулд өрнүүлж буй тулалдааныг маш нарийвчлалтай харуулах ажээ.
Том хотод өрнөх олон тооны машины мөшгөлтийг харуулсан үйл явдлыг бас орхиж болохгүй. Гудамжинд бөөн бөөнөөр гарч ирэх зомбинуудыг дайран гарч, амьд үлдэхийн тулд галзуу мэт жолоодох улайрсан мөшгөлт нь сонирхлыг маш их татаж, сэтгэл сэрдхийлгэм тулалдааны сэтгэл хангалуун байдлыг мэдрүүлнэ. “Хойг” кино нь дэлхий дахинаа IMAX, 4DX, ATMOS зэрэг олон төрлийн форматаар нээлтээ хийхээр болсон ба өнөө хэр нь байгаагүй ер бусын мэдрэмжийг төрүүлнэ гэдэг нь хүлээлт үүсгээд байна.
"Хойг" кино нь 7-р сарын 24-өөс кино театруудад нээлтээ хийнэ.
Зургийн эх сурвалж: Next Entertainment
