“Мулан” кинонд эмэгтэй хүний нийгэмд эзлэх байр суурийг хэрхэн харуулах бол?

2020-09-04 00:42:20

Эмэгтэй найруулагчийн бүтээсэн нэгэн бүсгүйн түүх. “Мулан” кино нь хүйсийн ялгаварлалттай туйлширсан бодол, хорио цээрийн эсрэг нэгэн бүсгүй тэмцэж байгаа дүрийг үзэгчдэд хүргэхийг хичээжээ. Тус кинонд зоригтой, ухаантай гэх бүсгүй Мулан нь хайртай гэр бүлийнхээ төлөө өөрийн үнэн төрхийг нуун цэргийн хүнд бэлтгэл хийж, олон бэрхшээлүүдийг даван туулснаар агуу дайчин баатар болдог тухай өгүүлдэг. “Мулан” кино нь супер баатар бус, эгэл жирийн эмэгтэйгээр дэлхий дээрх туйлширсан бодол, хориг хязгаарлалтад баригдалгүй, эцэст нь өөрийн жинхэнэ дүрээр бүгдэд хүлээн зөвшөөрөгдсөн гэдгээрээ олны хайр хүндэтгэлийг хүлээж буй бүсгүйн тухай аж. 

Тус киноны найруулагчаар ажилласан Ники Каро нь “Whale Rider”(2003), “North Country”(2005), “The Zookeeper’s Wife”(2017) зэрэг бүтээлүүдээрээ үзэгчдэд танигдсан эмэгтэй найруулагч юм. Мөн зургийн найруулагч Мэнди Уокер зэрэг олон эмэгтэйчүүд кино багт ажиллан уг киног бүтээсэн байна. 

Ники Каро найруулагч “Мулан” киног найруулахаар болсон тухайгаа “Юу юунаас илүү Мулан гэдэг дүрд би татагдсан. Тосгонд амьдардаг эгэл жирийн бяцхан охин нь цэрэг, дайчин, баатар болж буй үйл явдал нь надад байгаа энэ бүх зүйлийг олж авахын тулд хийсэн миний амьдралын аялалтай төстэй мэдрэмж төрсөн ” гэж уламжилжээ. Мөн “Эмэгтэй хирнээ дайтаж эх орноо аварч буй Муланы аялал туйлын бодит мэт дүрсэлсэн.” гэж мэдэгдсэн. Харин тус мэдэгдэл нь өргөн дэлгэцээр үзэж буй хэчнээн олон үзэгчдэд адил сэтгэгдлийг төрүүлэх бол гэдэг нь анхаарал татаж байна.