Zootopia 2 кинонд 178 зүйлийн амьтад гарна ...

2025-11-24 03:27:21

Дисней кино компанийн хүүхэлдэйн киноны “шилдэг хамтрагч” гэгддэг Жүди, Ник хоёр эргэн ирлээ.

Диснейн шилдэг бүтээл “Zootopia” буюу “Амьтдын хот” киноны дараагийн анги 11-р сарын 26-нд дэлхий дахинд нээлтээ хийх гэж байна. “Уламжлалт хүчтэн” Холливудыг ялимгүй амсхийх зуур Японы хүүхэлдэйн кино тэрхүү сул орон зайг овжин ашиглаж буй энэ цаг үед, 9 жилийн дараа эргэн ирж байгаа “Zootopia 2” кино байр сууриа дахин авч чадах эсэхийг хүлээх үлдлээ.

2016 онд гарсан эхний анги нь олон улсад 1 тэрбум долларын орлого олж, бүтээлийн чанар, бизнес амжилтаараа гайхуулсан бол, гадны хэвлэл мэдээллээр энэ удаа ч гэсэн амжилтаа эвдэх боломжтой гэж таамаглаж байна.

2-р ангид эхний ангид гарч байгаагүй “шинэ дүр” олон гарч, киноны өгүүлэмжийг улам бүр баяжуулах гэнэ. Шударга ёсыг сахиулахаар хамтрах болсон “цагдаа туулай” Жүди Хопс, луйварчин байгаад цагдаа болсон үнэг Ник Вайлд нарыг оруулж тооцоход нийт 178 зүйлийн амьтан гарах аж.

Шинэ сонирхолтой агуулга багагүй нэмэгдэж байгаа хэдий ч цувралын гол цөм болсон “Жүди, Ник нарын гар нийлсэн ажиллагаа” хэвээрээ. Жүди, Ник хоёр хэвлээр явагчдыг оруулдаггүй Амьтдын хотод орж ирж хотыг бүхэлд нь сандралд автуулсан нууц ноёнтон Гари могойтой бас сүрхий эвлэг хамтарч байгаа нь сонирхол татна.

Гаригийн дууг 2023 онд “Everything Everywhere All at Once” кинонд тоглон Оскарын эрэгтэй туслах дүрийн шагнал хүртсэн Ки Хуй Куан оруулсан нь ч томоохон хүлээлт мөн. Ки Хуй Куан “Харангуут дотор арзасхийм хүйтэн хөндий могой биш, өрөөсгөл бодлын золиос, муу нэр зүүж хэлмэгдсэн нэгэн” гэж Гариг танилцуулаад “Сайхан хүсэл өвөрлөсөн сайн найз гэж хүлээж аваарай” гэжээ.

Шинэ ангийн бас нэг сонирхолтой нь эхний ангийн хит дуу “Try Everything” шиг сайн дуутай. Дэлхийн поп од Эд Ширан “ZOO” дууны үг, аяыг зохиожээ.  

Дууг газелийн дүрд дуу оруулсан Шакира дуулсан бол, Эд Ширан өөрөө шинэ дүр “Эд Ширан” хонинд дуу оруулсан нь содон бэлэг болж байна.

Zootopia 2 кино 11-р сарын 26-нд нээлтээ хийнэ.