Араатан шинэ амьтантай тулалдана ...

2025-09-16 21:28:20

11-р сард нээлтээ хийхээр болсон зөгнөлт тулаант “Араатан” киноны шинэ анги болох Predator: Badlands-д хөөгдөж цөлөгдсөн араатан таамаглахын аргагүй аян замд гарч, харгис ертөнцөд хөл тавихдаа өөрөөс нь аюултай амьтадтай тулалдах бөгөөд, төсөөлж ч байгаагүй холбоотонтой болж байгааг өгүүлнэ. 

Нийтэд дэлгэгдсэн зурагт хуудсанд араатныг аварга том амьтны ам руу үсрэн орж буй ангуучлалын агшинг харуулж үзэгчдийн анхаарлыг татжээ. Зурагт хуудас дээрх “Харгис ертөнц” гэсэн үг ч шинэ ангийн адал явдалд уриалан дуудах мэт. 

Киноны трэйлер Тиа (Эл Фэннинг)-тай хамт сансар огторгуйн хамгийн аюултай гарагийн амьтдыг ангуучилж байгаа араатныг харуулснаар эхэлж байна. Залгуулаад Тиагийн тал бие, түүнийг заамдан өргөсөн араатны дүр байдал тодорч, хоёр дүрийн хандлага харилцаа яаж эргэх нь эрхгүй сонирхол татна. 

Ялангуяа “Би ан биш” гэж араатан хэлэх агаад, түүнтэй холбоотон болсон мэт харагдах араатан, Тиа нарын зэрлэг ангуучлалыг түргэн зуур харуулаад өнгөрч байгаа нь энэ төрлийн киноны таатай мэдрэмжийг шууд төрүүлэхээр ажээ.

Цувралын шинэ анги Predator: Badlands өргөжсөн ертөнц, шинэ сөргөлдөөний бүтэц зохиомжоор фэнүүддээ төдийгүй зөгнөлт тулаант кинонд дуртай үзэгчдийн зүрх сэтгэл хүрэхээр довтолгон айсуй.  

Predator: Badlands 11-р сарын 7-нд нээлтээ хийнэ.