“Алуурчин Грэббер буцаж ирлээ” ... Black Phone 2

2025-10-17 02:42:04

Аймшгийн кино Black Phone 2-т аймшигт хэргийн дараа хохирогчдоос ганцаараа үлдсэн Финигийн утас дахин дуугарснаар психопат алуурчин Грэбберийн өшөө авалт эхэлж байгаа тухай гардаг.

Нийтэд цацагдсан трэйлер сэтгэцийн гажигтай алуурчин Грэбберийн сэжгийн инээдээр эхлэх агаад үхлээс бултан зайлж сэтгэл хирдхийлгэн эргэн ирж байгааг нь харуулна. Цочирдом хэргээс хойш өөрчлөгдсөн Фини, хар даран зүүдлэх болсон Гвен, мөн Гвений зүүдэнд үзэгдэх алга болсон хүүхдүүд, энэ бүхэн зогсоо зайгүй суудлаас өндөлзүүлнэ. Өвлийн байрыг зорьсон ах дүүс учир битүүлэг бүхээгээс дуугарах утасны дуудлагын чимээнд айн цочирдож, аль хэдийн үхсэн гэж бодож байсан Грэбберийн хоолойг сонсоод хамаг бие нь хүйт даана. “Бүх зүйл санасны чинь эсрэгээр эргэлээ.” гэх Грэбберийн аймшигт мэдэглэл, хангинан дуудлага алуурчны өшөө авалт эхэлж байгааг сануулна.

Black Phone 2 дэлхий даяар 210 тэрбумын орлого олж шуугиулсан Black Phone киноны үргэлжлэл бөгөөд, үзэгчдийг бүр их айдас хүйдэст автуулахаар эргэн иржээ. Өмнөх ангиар жинхэнэ аймшиг гэж юу байдгийг мэдрүүлсэн найруулагч Скотт Дерриксон, “Лууг хэрхэн сургах вэ?” киноны гол дүр Мэйсон Темс, эхний ангийн жүжигчид уран бүтээлчид хамтдаа юу бэлдсэнийг харж мэдрэх цаг нэгэнт болжээ. Ялангуяа Мэйсон Темс энэ удаа үхлээс мултарсан психопат алуурчны эсрэг тэмцэх Финигийн дүрд хэрхэн хувирч жүжиглэснийг үзэж бахдаарай.

Black Phone 2 киног яг одоо кино театруудад очоод үзэгчдийн суудлаас үзэхийг уриалж байна.