“Дэлхий бол тайз”... “Joker: Folie à Deux”, Жокер-Харли Квинн нарын гайхалтай хоршил

2024-08-31 05:39:45

2024 оны 10-р сард нээлтээ хийх “Joker: Folie à Deux” киноны Жокер Вакин Феникс болон Харли Квинн Лэди Гага нарын хоршлыг харуулсан гол постер олон нийтэд дэлгэгджээ.

Олон нийтэд дэлгэгдсэн постерт Жокерын дүрийг бүтээсэн Вакин Феникс хурц будалтын цаана ямар царайтай байх нь үл мэдэгдэх хувирлаар үзэгчдийн сонирхлыг татаж, Харли Квинний дүрийг бүтээсэн Лэди Гага нь Жокерт сэтгэл нь бүрэн алдарсан харцаар үзэгчдийн сэтгэлийг татах аж. 

Ялангуяа бие биенээсээ огт салахгүй гэсэн аятай гараа барилцсан Жокер, Харли Квинн нарыг цусан толбоор будсан нь энэхүү түүх хэрхэн өрнөх нь сонирхол татаж банйа. 

“Joker: Folie à Deux” нь 2019 онд дэлхий дахины бокс оффист 6-рт бичигдэж, 1 тэрбум долларын орлого олж, урьд хожид байгаагүй шуугиан тарьсан “Жокер” киноны үргэлжлэл юм. 

Тодд Филлипс найруулагч үргэлжлүүлэн найруулагчаар нь ажиллаж, “Жокер”-ын дүрээр Academy Award, Golden Glove Award-ийн шагналыг хуу хамсан Вакин Феникс дахин Жокерын дүрийг бүтээн шилдэг бүтээл төрнө гэж найдаж байгаа билээ. 

“Joker: Folie à Deux” кино 2024 оны 08-р сарын 28-ны өдөр нээлтээ хийх 81 дэх удаагийн Венецийн кино наадамд өрсөлдөх бүтээлээр уригджээ. Өмнөх 1-р ангийн араас ийнхүү 2 дахь удаагаа уригдаад байна. 2019 онд “Жокер” кино 76 дахь удаагийн Венецийн кино наадмаас хамгийн шилдэг “Алтан арслан(Golden Lion)”-г хүртсэн шиг, энэ удаад ч бас баярт мэдээг дуулгана гэсэн хүлээлт үүсгээд байна. 

Зургийн эх сурвалж: Warner bros