A Minecraft Movie, эхний трэйлер цацагдав... гол дүрд Жэк Блэк
2024-09-16 02:26:07
Алдартай видео тоглоом “Minecraft”-аас сэдэвлэсэн уран сайхны киноны трэйлер цацагджээ.
Тус трэйлерт Minecraft-ийн ертөнц рүү 2 эрэгтэй, 2 эмэгтэй орж, тэд “Стив”-тэй тааралдах ажээ.
“A Minecraft Movie” киноны найруулагчаар “Napoleon Dynamite”, “Nacho Libre” киног найруулсан Жаред Хесс ажиллаж, эх зохиолыг нь Крис Боуман, Хаббел Палмер нар бичсэн байна. Тус кинонд Жэк Блэк (Стив), Жейсон Момоа (Гарретт), Даниэль Брукс (Давн), Себастиан Южин Хансен (Хенри) нар тогложээ.
Minecraft видео тоглоомыг Mojang Studios бүтээж худалдаанд гаргасан ба 2009 онд анх худалдаанд гарснаас хойш өнөө хүртэл нэр хүнд нь унаагүй байна. 2021 онд “Дэлхийн хамгийн их борлуулагдсан видео тоглоом” гэдгээр Гиннест бичигдэж, 2023 он хүртэл нийт 3 тэрбум ширхэг борлуулагджээ.
“A Minecraft Movie” кино 2025 оны 04-р сарын 04-ний өдөр нээлтээ хийнэ.
