Өмнөх Харли Квинн байхгүй... “Joker: Folie à Deux” Лэди Гага
2024-09-25 03:00:00
“Joker: Folie à Deux” кино (найруулагч Тодд Филлипс)-ны Лэди Гага агшин зуур харц булаам гайхалтай хувцаслалт болон цоо шинэ “Харли Квинн”-ийг харуулах ажээ.
“A Star Is Born” кинонд анх гол дүр бүтээж, улмаар 91 дэх удаагийн Америкийн Академийн шагнал гардуулах ёслолд шилдэг эмэгтэй гол дүрийн номинацид нэр дэвшиж, дэлхийн поп одоос жүжигчин болж, амьдралынхаа 2 дахь үеийг амжилттай эхлүүлсэн Лэди Гага, найруулагч Ридли Скоттын бүтээл “House of Gucci” –д тоглож, 86 дахь удаагийн New York Film Critics Circle Awards-аас шилдэг эмэгтэй гол дүрийн шагналыг хүртэж, өөрийгөө хүлээн зөвшөөрүүлсэн байна.
Олон жил хүчирхэг үзүүлбэрээр үзэгчдийг байлдан дагуулж байсан Лэди Гага “Joker: Folie à Deux”-ийн “Харли Квинн”-ий дүрийг бүтээсэн гэх мэдээ нь дэлхий дахины кинонд дурлагсдын сэтгэлийг догдлуулаад байна. Ялангуяа DC comics-ийн үзэл баримтлалыг харуулсаар ирсэн хачин жигтэй “Харли Квинн”-ээс өөр дүр төрхийг Лэди Гага харуулах бөгөөд түүний хувцаслалт, байгаа байдлыг дахин амьдруулах ажээ.
Тодд Филлипс найруулагч болон жүжигчдийг сонгосон шалгаруулсан захирал Франсин Майслер “Бидний өмнө нь мэддэг байсан “Харли Квинн” байхгүй байх болно. Шинээр амилуулсан “Харли Квинн”-д анхаараарай.”, “Өргөн дэлгэцнээс огт мартагдахааргүй жүжиглэлтийг үзүүлэх болно.” гэх зэргээр Лэди Гагагийн жүжиглэлтийг онцгойлсон байна.
“Joker: Folie à Deux” кино 2019 онд дэлхий дахины бокс оффист 6-рт бичигдэж, 1 тэрбум долларын орлого олж, урьд хожид байгаагүй шуугиан тарьсан “Жокер” киноны үргэлжлэл юм. “Жокер” кино 76 дахь удаагийн Венецийн кино наадмын хамгийн шилдэг “Алтан Арслан” шагнал хүртсэн. “Joker: Folie à Deux” кино 2024 оны 08-р сарын 28-ны өдөр нээлтээ хийсэн 81 дэх удаагийн Венецийн кино наадамд уригдаад байгаа нь дэлхий дахинд шуугиан тарьсан бүтээл гэдгээ дахин нотлоод байна. “Жокер”-ын дүрээр Academy Awards, The Critics Choice Movie Awards, Golden Glove Awards-ийн шагналыг хуу хамсан Вакин Феникс дахин “Жокер”-ын дүрийг бүтээж, “Жокер”, “Deadpool 2”-ийн Зази Битц, “The Banshees of Inisherin”-ий Брендан Глисон, “Get Out”-ийн Кэтрин Кинер зэрэг шилдэг жүжигчид нэгдсэн нь анхаарал ихээр татаж байна. “Жокер” киногоор алдартай кино наадмуудад гол хүн болсон Тодд Филлипс найруулагчаар нь ажиллаж, өмнөх ангиас өөр гайхалтай уур амьсгал, жанраар “Жокер” болон “Харли Квинн” нарын шинэ түүхийг өгүүлэх ажээ.
Академийн 92 жилийн түүхэнд анх удаа “Academy Award for Best Original Score” шагналыг хүртсэн эмэгтэй дууны найруулагч Хильдур Гуднадоуттир дахин ажиллах ба production design-аар “Патерсон” киноны Марк Фридберг, хувцас дизайнаар “Кингсмен” цуврал, Once Upon a Time ... in Hollywood” киноны Арианн Филлипс нар ажиллаж, хэр сайн кино баг ажилласныг харуулах аж.
“Joker: Folie à Deux” кино 2024 оны 10-р сарын 04-ний өдөр нээлтээ хийнэ.
Зургийн эх сурвалж: Warner bros
