Хүн-Аалзын эртний дайсан Кравен ирэх нь ээ... “Kraven the Hunter”
2024-12-21 05:28:19
Хүн-Аалзын эртний дайсан гэдгээр танигдсан хорон санаатан Кравений төрөлтийг дүрсэлсэн кино “Kraven the Hunter” нээлтээ хийжээ.
“Kraven the Hunter” (найруулагч Ж.С.Чендер) нь үхлийн хаалганы өмнө араатны ер бусын хүчийг аваад амьд буцаж ирсэн Кравен өршөөлгүйгээр өшөө авах замыг сонгож, хайр найргүй агнах тухай өгүүлэх тулаант блокбастер кино юм.
Марвел Комиксийн эх зохиолд Кравен нь хүчирхэг агнах чадвартай, хүнийг байнга л агнах хүсэлтэй байдаг дүр бөгөөд хамгийн хүчирхэг хорон санаатан, Хүн-Аалзын эртний хүчтэй дайсан юм.
Энэхүү киногоор эргэн ирсэн “Kraven the Hunter”-д “Авенжерс” цуврал, “ТЕНЕТ” гэх зэргээр танигдсан Аарон Жонсон Кравений дүрийг бүтээж, “Гладиатор”-т хүчирхэг жүжиглэлтийг харуулсан Холливудын төлөөлөх жүжигчин Рассел Кроу Кравений аав Николайн дүрийг бүтээжээ.
Мөн “West Side Story”-гоор Академиас эмэгтэй шилдэг туслах дүрийн шагналыг авсан Ариана Дебос Калипсогийн дүрийг бүтээсэн байна.
Гол постерт хүчирхэг улаан өнгийг дэвсгэр өнгөө болгож, араатан шиг хурц нүдтэй Кравен (Аарон Жонсон)-ий дүрийг харуулсан нь анхаарал ихээр татаж байна.
Арслангийн зогдорыг дүрслэх хувцас нь зэрлэг, догшин байдлыг илтгэж, нүүрэнд нь түрэн гарч ирсэн цусан толбо нь Умард Америкт R зэрэглэлийн кинонд багтаж, өршөөлгүй, хайр найргүй тулаан өрнөх хүлээлтийг үүсгэхийн зэрэгцээ хүний хязгаарыг давсан хүчийг авсан түүнд ямар зүйл тохиолдох нь сонирхол төрүүлж байна.
“Баатруудын эрин үе дууссан.” гэсэн бичвэр нь супер баатруудын үе унаж, бүхнийг айлган сүрдүүлэх хүчирхэг хорон санаатан Кравений эрин үе эхэлснийг зарлаж, хүлээлт үүсгэж байна.
Олон нийтэд цацагдсан гол трейлэрт өөрийнх нь араас мөшгөх хулгайн анчдыг ээлж дараалан хайр найргүй устгах Кравений тулаан өрнөж, эцэст нь “Төсөөллийг чинь давсан хүчирхэг араатан байгаа.” гэх үгтэй хамт хирсний арьс шиг болж өөрчлөгдөх Лино (Алессандро Нивола) болж, хоёр дүрийн тулаан өрнөж, хүчирхэг, зэрлэг тулаан хүлээлтийг илүү ихээр үүсгэж байна.
“Kraven the Hunter” кино театруудад яг одоо гарч байна.
