“Супер цэрэггүй ч боломжтой юу? “Ахмад Америк: Цоо шинэ дэлхий” кино найдвар төрүүлж байна”
2025-02-19 01:49:26
2-р сарын 14-нд нээлтээ хийсэн “Ахмад Америк: Цоо шинэ дэлхий” бол ерөнхийлөгч болсон Таддеус Росс(Харрисон Форд)-той Сэм Уилсон эргэн нэгдсэний дараа, бүх дэлхийг эрхэндээ оруулах гэсэн хорон санаа тээсэн дайсны эсрэг сөрөн зогсож буй түүхийг өгүүлдэг кино.
“Ахмад Америк: Цоо шинэ дэлхий” кинонд шинэ Ахмад Америк гарна. Стив Рожерс(Крис Эванс)-ыг залгамжилж бамбайг гартаа барьсан Сэм Вилсон(Энтони Маки)-ы хүнлэг зан төрхийг тус киноноос үзээрэй.
Стив Рожерсоос вибран бамбайг өвлөсөн Сэм Вилсон өмнөх баатруудаас ондоо. Тэрээр супер баатрын сериум буюу ийлдэс тариулаагүй учир ер бусын чадваргүй. Зэр зэвсэг хэрэглэхдээ ч нэлээд нухацтай ханддаг. Найруулагч Жулиус Она хэвлэлийн бага хурлын үеэр “Зураг авалтын үеэр Энтони Макиг “Тоосгоор наад хүнийхээ нүүр лүү цохь” гэсэн чинь Энтони Маки “Ахмад Америк шүү дээ. Тэгэх хэрэг байна уу?” гэж надаас асуусан. Би зүгээр ээ л гэсэн. Марвелынхан бас “Зүгээр зүгээр. Ахмад Америк тоосгодож болно оо.” гэлээ. Эцэст нь Энтони Маки нөгөө хүнийг нэг сайн дэлсэж аваад тэр хэсгийг гайгүй өнгөрөөсөн.” гэж хэлжээ.
Ялангуяа саад бэрхшээл тулгарсан үед “Ийлдэс тариулдаг ч байж уу?” гэж харамсаж буй Сэм Вилсоны дүр байдал нь зовлон үзээд “Хэрвээ тэгсэн бол...” гэдэг эгэл хүмүүсээс ялгаагүй. Сэм Вилсон олон бэрх давааг туулж өөрийнхөөрөө шударга ёсыг сахин хамгаалж байгаа нь сэтгэл хөдөлгөж, итгэл найдвар төрүүлж байна.
Шинэ Ахмад Америк бүрэн зэвсэглээгүй боловч шударга, журамтай, сэтгэлд дулаахан нэгэн. Баки(Себастян Стэн) Сэм Вилсонд хандан “Стив Рожерс хүмүүст итгэл төрүүлсэн бол, чи найдвар бэлэглэнэ.” гэж хэлж байгаагаас ч Сэм Вилсоны бусдаас өөрийг мэдэж болно. Марвел цаг үеэ соргог мэдэрч, хүнлэг баатрын дүрээр үзэгчдийн сэтгэлийг эзэмдэхээр шийджээ.
“Ахмад Америк: Цоо шинэ дэлхий” кино театруудын дэлгэцнээ.
