Цасан Гуа содон хувилбараар кино дэлгэцнээ
2025-03-10 11:24:41
Дисней студиэс 2025 оны 3 сарын 21-өөс уран зөгнөлт, хөгжимт “Цасан Гуа” киног дэлгэцнээ гаргахаар ажиллаж байна. Саяхан нийтэд дэлгэсэн зургуудаас харахад Диснейн уран зөгнөлт, хөгжмийн киноны сэтгэл татам онцлогийг сайтар тусгасан нь үзэгчдэд илэрхий хүлээлт үүсгэж байгаа билээ.
Ялангуяа эх хувилбараасаа содон шинэ хувилбарт дүрүүдийн өнгө будаг илүү ялгарчээ. Цасан Гуа(Рэйчел Зеглер), хойд эх(Гал Гадот)-ийн эрс тэс дүрүүд, сэтгэл түгшээм үйл явдлууд, сонор мялаан уянгалах хөгжмийн аялгуу таныг уйдаахгүй нь лавтай.
Хойд эхийн хавчлага заналхийллээс дайжиж ойд очсон Цасан Гуа өхөөрдөм хөөрхөн амьтадтай халуун дотно нөхөрлөж, ойн амьдралыг таашааж, дотоод зүрх зоригоо мэдэрдэг. Цасан Гуа бүхнийг булаах гэсэн хойд эхийн эсрэг сөрөн зогсож, өсөн хөгжиж буй нь нүдний өмнө тодоос тод харагдана.
Нөгөө талаас Диснейн хорон санаатны төлөөлөл Круэлла, Малефисентыг санагдуулам, сэтгэл ховсдох хүчтэй хойд эхийн дүр алга хөлөргөнө. Оюун санааг эзэмдэн соронздох хүч бүхий, хар хүслийг тээгч хойд эх гарч ирэх тоолондоо муу ёр ханхлуулж, Цасан Гуатай эсрэгцэх бүхэн нь хувь тавилан, хүсэл шуналыг мэдрүүлнэ.
Диснейн анхны гүнж Цасан Гуа хорон санаат хойд эхэд булаалгасан улс орноо буцаан авахын тулд цайлган сэтгэл, зүрх зоригоор тэмцэж буй шидэт түүхийг өгүүлэх энэ киног гадаадын томоохон хэвлэл мэдээллээр энэ жилийн онцлох бүтээлийн тоонд зүй ёсоор оруулж байгаа ажээ. Түүнчлэн “Араатан ба Гоо үзэсгэлэн”, “Аладдин” кино бүтээлүүдээрээ үзэгчдийн талархлыг нэгэнт хүлээсэн Диснейн хөгжимт кино баг үлгэрийн агуулгаас хэтийдсэн шидэт түүх, уран зөгнөл, сэтгэл бахдам хөг аялгууг сонсгох гэж байна.
“Аладдин”, “The Greatest Showman” киноны хөгжмийн найруулагчаар ажилласан Бенж Пасек, Жастин Пол нар хоршиж Диснейн хөгжимт киноны ой тойнд удтал хоногших увдист аялгуугаар бэлэг барих нь тодорхой.
“Цасан Гуа” кино 3 сарын 21-ээс кино театруудын дэлгэцнээ
